Mira Murati, një nga 25 gratë më me ndikim në botë për vitin 2023

Ndikimi – fuqia për të bindur, për të mbrojtur ndryshimin dhe për të imagjinuar mënyra më të mira për të bërë gjërat – merr shumë forma të ndryshme.

Askund nuk është më e qartë kjo se sa në numrin e përvitshëm të prestigjiozes “Financial Times”, “Gratë e Vitit”, një listë e grave më me ndikim në botë.

Ky projekt i veçantë u organizua gjatë disa muajve, në konsultim me qindra gazetarë të FT-së në dhjetëra zyra, lexues dhe drejtues të industrisë.

Rezultati përfundimtar është një listë e mbushur me gra që kanë marrë vlerësime prestigjioze, por edhe çmimet Nobel, Pulitzer, Grammy dhe Kupat e Botës.

E pikërisht e rënditur në këtë listë është edhe shqiptarja, Mira Murati, shefja e teknologjisë e OpenAI, e cila është në krye të transformimit të thellë digjital të këtij momenti.

“E lindur në Shqipëri, Mira tani jeton në epiqendrën e evolucionit të shpejtë të inteligjencës artificiale”, shkruan FT.

Produktet novatore të OpenAI, ChatGPT dhe Dall-E, kanë rrëmbyer imagjinatën e botës dhe do të ndryshojnë rrënjësisht mënyrën se si punohet, mësohet dhe shprehet.

Udhëheqja vizionare e Mira-s shtrihet shumë përtej shkencës dhe kërkimit të modeleve të mëdha gjuhësore në dizajnimin se si të inkorporojmë AI në jetën tonë të përditshme, si dhe si të zhvillojmë AI me përgjegjësi në lidhje me sigurinë dhe rregulloren.

Tepër e menduar në parashikimin e ndërveprimeve njerëzore-AI, Mira mbron në mënyrë aktive për testime të hapura, publike – duke na inkurajuar të kapim këtë moment unik në kohë, ku ne kemi agjenci sesi teknologjia do të na riformojë dhe ne e formësojmë atë.

Si një gjë e rrallë – një grua që drejton një kompani teknologjike – historia dhe lidershipi i Mira-s janë po aq frymëzues sa teknologjia që përcakton të ardhmen që ajo mbikëqyr.

Dy muaj më parë edhe revista “Fortune” ka nderuar punën e shefes së teknologjisë OpenAI, duke e vendosur në kopertinën e listës së Grave më të Fuqishme në Biznes.

Në vitin e saj të 26-të, kjo seri e revistës amerikane lëvdon 100 gratë kryesore të biznesit që përfaqësojnë industri duke përfshirë financat, teknologjinë, kujdesin shëndetësor, telekomin, shitjen me pakicë dhe energjinë, ndër të tjera.

Lista e sivjetme e grave më të fuqishme në biznes është më gjithëpërfshirësja e regjistruar: Është hera e parë që Fortune ka pasur një listë të vetme në mbarë botën që nderon 100 gra.

Në total, lista përmban 67 gra me titull CEO (Kryeshefi Ekzekutiv – ed.), disa prej të cilave vetëm së fundmi kanë hyrë në zyrën e qoshes.

ChatGPT arriti 100 milionë përdorues aktivë mujorë në vetëm dy muaj dhe ka shkaktuar një revolucion të plotë teknologjik në më pak se një vit, me startup-et dhe kompanitë e mëdha që po përpiqen të zhvillojnë produkte dhe strategji të fuqizuara nga AI.

Ndikimi i Muratit në OpenAI, që tani vlerësohet në afro 30 miliardë dollarë, është i jashtëzakonshëm, pasi ajo ka për detyrë të udhëheqë ekipet e saj të kërkimit, produkteve dhe sigurisë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.