Milan-i siguron transferimin e mesfushorit holandez, priten takime për Morata-n dhe Frattesi-n

Milani raportohet se është shumë afër sigurimit të një marrëveshjeje me AZ Alkmaar për Tijjan Reijnders si dhe është afër vendosjes së takimeve për Davide Frattesi-n dhe Alvaro Morata-n.

Mesfushori Reijnders mbush 25 vjeç në fund të këtij muaji dhe duket se e ka vendosur për t’u bashkuar me kuqezinjtë, në masën që raportohet se ai vizitoi qytetin e Milanos këtë verë për të marrë një ndjenjë për vendin.

Negociatat formale mes klubeve kanë nisur seriozisht dhe tashmë duket se janë në prag të një marrëveshjeje.

Kjo për shkak se çmimi i kërkuar ishte 20 milionë euro, ndërsa “Sky Sport Italia” dhe “Sportitalia” pretendojnë se oferta ishte 19 milionë euro.

AZ Alkmaar kishte refuzuar tashmë propozimet nga Spanja dhe Anglia që ishin prej 14 milion euro plus bonuse.

Trajneri i Milani-t, Stefano Pioli, zgjodhi Reijnders si zëvendësuesin ideal për Sandro Tonali-n, i cili përfundoi transferimin e tij te Neëcastle United për 70 milionë euro plus 10 milionë euro bonuse dhe një përqindje në rast të shitjes së tij.

Ndërkohë, eksperti i transferimeve të “Sky Sport Italia”, Gianluca Di Marzio, pohon gjithashtu se Milan-i ka organizuar një takim me Sassuolo-n të martën për të diskutuar ofertën e tyre të hapjes për Frattesi-n, që gjithashtu po kërkohet edhe nga Interi dhe Roma.

I njëjti burim shton se në ditët në vijim pritet një samit për Morata-n, i cili ka një klauzolë lirimi në kontratën e tij me Atletico Madrid.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.