Milan-i ka arritur marrëveshje me portierin e Atalanta-s, Marco Sportiello-n, i cili do të transferohet në “San Siro” në afatin kalimtar të verës.
Sipas asaj që shkruan “Calciomercato”, Sportiello do të transferohet në qeroshr në Milano me parametra zero, pasi që atëherë i mbaron kontrata me klubin nga Bergamo.
Mediumi i lartcekur shkruan se kuqezinjtë do të firmosin paraprakisht me portierin 30-vjeçar.
Ai do të luajë rezervë e portierit Mike Maignan në kryeqytetin e Lombardisë, duke siguruar një ‘palë duar më të sigurta’ se opsioni aktual Ciprian Tatarusanu.
#Milan, accordo con #Sportiello: a febbraio la firma [@86_longo] https://t.co/W8RQiVxsGj
— calciomercato.com (@cmdotcom) December 7, 2022
Portieri italian është me skuadrën e parë të Atalanta-s që nga qershori i vitit 2012 dhe është produkt i akademisë së tyre.
Gjatë këtij sezoni, ai është paraqitur vazhdimisht nën drejtimin e trajnerit, Gian Piero Gasperini, derisa ka pasur performancë shumë të mirë.
Sportiello ka bërë 128 paraqitje në të gjitha garat për Atalanta-n, duke mbajtur 35 herë portën e paprekur dhe duke pranuar 170 gola.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
