Michel: BE-ja të vlerësojë cilat janë pasojat nëse nuk zbatohen marrëveshjet ndërmjet Kosovës dhe Serbisë
Presidenti i Këshillit Evropian, Charles Michel, në një konferencë për media, pas përfundimit të samitit dyditor të Bashkimit Evropian, ka folur për takimin që ai së bashku me presidenti e francez, Emmanuel Macron, kancelarin gjerman, Olaf Scholz, kryeministren italiane, Giorgia Meloni e shefin e diplomacisë së BE-së, Josep Borrell, zhvilluan të enjten me kryeministrin e Kosovës, Albin Kurti e presidentin e Serbisë, Aleksandër Vuçiç, në Bruksel.
Liderët evropian, sipas Michel, në këtë takim kanë dërguar një mesazh të qartë liderëve nga Kosova e Serbia – implementimi i të gjitha marrëveshjeve përfshirë edhe Asociacionin e Komunave me Shumicë Serbe.
“Është njëra nga marrëveshjet e rëndësishme, nuk është e vetmja, por është njëra nga elementet e rëndësishme”, potencoi ai.
Michel gjatë konferencës potencoi se është plotësisht i informuar për debatin aktual çështjen e nënshkrimit të marrëveshjeve dhe refuzimin e palës serbe, duke theksuar se kjo është diskutuar edhe në takimin e së premtes në kuadër të samitit të Këshillit të Evropës.
“Një pikë që u përmend nga disa liderë në takimin e sotëm, është që të dy liderët të zbatojnë këto marrëveshje dhe do të jetë shumë e rëndësishme që të kontrollojmë nëse vërtet këto marrëveshje zbatohen. Dhe do të jetë në përgjegjësinë e BE-së për të vlerësuar se cilat janë pasojat nëse këto zbatohen dhe nëse këto nuk zbatohen”.
Follow the press conference after the European Council #EUCO ↓ https://t.co/DyE9G6QOLK
— Charles Michel (@CharlesMichel) October 27, 2023
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rama publikon fotot e 18 viteve më parë: Shqiptarët e Greqisë janë një histori krenarie
-
Siljanovska-Davkova fton Begajn të punojnë së bashku në avancimin e marrëdhënieve
-
Kosova nën sanksionet e BE-së shënon Ditën e Evropës pa progres drejt integrimeve
-
Kuvendi miraton 3 projektligjet e rendit të ditës
Lajmet kryesore
-
Krejt çka ndodhi në zgjedhjet në Maqedoni të Veriut, fituesit dhe humbësit
-
Asnjë subjekt i posaçëm i SPAK nuk ka përfituar nga Amnistia, garanton Bardhi
-
Cameron thotë se Britania e Madhe nuk do të ndjekë SHBA-të në ndalimin e shitjeve të armëve në Izrael
-
Kosova nën sanksionet e BE-së shënon Ditën e Evropës pa progres drejt integrimeve