Presidenti i Shqipërisë, Ilir Meta, e ka shfajësuar tërësisht ish-kryeministrin e vendit, Sali Berisha, nga akuzat që kanë rënduar shpesh mbi të se është përgjegjës për ngjarjet e 21 janarit 2011, kur në bulevardin “Dëshmorët e Kombit”, gjatë një proteste të Partisë Socialiste (opozitë e asaj kohe), u vranë katër protestues.
Sipas Metës, përgjegjësit e vërtetë për atë ndodhi, janë kreu aktual i Partisë Demokratike, Lulzim Basha dhe kryeministri aktual, Edi Rama.
Madje, Meta ka shpjeguar edhe disa detaje të asaj kohe.
“Më kishin informuar paraprakisht që në protestën e 21 janarit, do të kryheshin vrasje”, tha Meta. “Lajmi më erdhi nga një mik i imi nga jashtë”.
Pretendimi i Metës është ai se ky person – të cilin nuk e përcaktoi se kush ishte – i kishte kërkuar të vlerësonte situatën dhe të jepte dorëheqjen.
Asokohe, Meta akuzohej për një aferë korruptive, pas një videopërgjimi që bëri publik ish-deputeti i Lëvizjes Socialiste për Integrim, Dritan Prifti.
Madje, edhe protesta e 21 janarit, ishte kryesisht e nxitur nga kjo akuzë ndaj Metës.
Nga ana tjetër, faktin se pse Basha dhe Rama janë përgjegjës, Meta e justifikon me pozicionimet e kohës.
Basha qe ministër i Brendshëm dhe si i tillë, drejtonte Policinë në vitin 2011. Vetë Basha, i pari garantuar Berishës, se nuk do të kishte asnjë incident në protestë.
Mirëpo, disa demonstrues, të nxitur nga Rama, e përshkallëzuar situatën në atë pikë. ndaj, nga gjithë skenari i krijuar, kaloi çështja në përshkallëzimin e dhunës.
Por sërish, pavarësisht se ishte kryeministër i asaj kohe, Berisha nuk kishte asnjë gisht në këtë pjesë të historisë së Shqipëri. Fakti se Basha ishte ministri i Brendshëm, e bën këtë të fundit përgjegjës nga pala e Qeverisë, për vrasjet e 21 janarit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
Balluku: Nuk ka rritje çmimi të energjisë për furrat e bukës, mbetet 7.5 lekë kw/h
-
Dezinformimi dhe ndërhyrjet e huaja, Çuçi kërkesë Nikollës: Të krijohet një Komision i Posaçëm
-
I ofroi Nuredin Dumanit 120 mijë euro që t’i vriste gruan, Prokuroria kërkon 6 vite e 6 muaj burg për ish-avokatin Alban Bengasi
Lajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
Dezinformimi dhe ndërhyrjet e huaja, Çuçi kërkesë Nikollës: Të krijohet një Komision i Posaçëm
-
Putini më i fortë se SHBA-të, kur flitet për shkëmbimin e të burgosurve
-
Gjilan: Afaristi u gjet i vdekur në bodrumin e banesës, kishte mbi 80 mijë franga me vete