Presidenti i Republikës së Shqipërisë Ilir Meta kundërshtoi projektin e Ballkanit të Hapur, duke e konsideruar si “ jo gjithëpërfshirës”.
Deklaratën e tij, Presidenti Meta e bëri si Folësi Kryesor në Forumin IX Global të Bakusë, Azerbajxhan për “Një Evropë në ndryshim dhe sigurinë e Ballkanit Perëndimor”.
“Ne duhet të përqendrohemi në zbatimin pa vonesë të Procesit të Berlinit dhe të mos shpërqendrohemi si dhe të mos ngatërrohemi nga qasjet alternative paralele jo gjithëpërfshirëse”, u shpreh Meta.
Kreu i Shtetit gjithashtu vuri në dukje se Procesi i Berlinit ‘ka si pjesë të tij BE-në” dhe “instrumente financiare për të mbështetur projektet e lidhjes”, ndërkohë që Ballkani i Hapur, jo.
“Ballkani i Hapur paraqitet si një alternativë ndaj anëtarësimit në BE, duke e tjetërsuar rajonin si një komunitet politik hibrid”, deklaroi Meta.
Presidenti shtoi se Procesin e Berlinit e mbështesin të gjashtë vendet e Ballkanit Perëndimor, ndërsa “vetëm disa liderë mbështesin alternativën e Ballkanit të Hapur”.
Në samitin e fundit të Open Balkan, të mbajtur në Ohër, Shqipërisë, Maqedonisë së Veriut dhe Serbisë, i janë shtuar edhe Mali i Zi dhe Bosnjë dhe Hercegovina. Këto dy të fundit, nuk janë ende anëtare, por po shprehin interes karshi iniciativës sa vjen e më shumë.
Nga ana tjetër, kryeministri i Kosovës, Albin Kurti, nuk ka marrë pjesë në samit duke e kundërshtuar vazhdimisht iniciativën.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Parashikimi i motit, 25 prill 2024
-
Edi Rama thërret Grubin në telefon, ai i shpjegon se pa Taravarin në zgjedhje Osmani do ishte në balotazh
-
Rama: Reportazhi i Rai-t është bërë për të sulmuar Melonin duke përdorur shëmtuar Shqipërinë dhe Agaçin
-
Ranucci: Rama dhe Agaçi refuzuan intervistat, dokumentet tona janë gjyqësore
Lajmet kryesore
-
Osmani shpall fitoren ndaj Taravarit me mbi 40 mijë vota dallim
-
Edi Rama thërret Grubin në telefon, ai i shpjegon se pa Taravarin në zgjedhje Osmani do ishte në balotazh
-
Iran: Reperi Toomaj i dënuar me vdekje, mori pjesë në protesta
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova