Ish-presidenti i Republikës së Shqipërisë, Ilir Meta i ka konsideruar si “shantazh” ndaj opozitës veprimet “antikushtetuese” të drejtësisë për ish-kryeministrin Sali Berisha.
Kujtojmë që, Berisha dyshohet për kryerjen e veprës penale “Korrupsioni pasiv i funksionarëve të lartë shtetërorë ose të zgjedhurve vendorë, kryer në bashkëpunim, parashikuar nga neni 260 e 25 i Kodit Penal”.
Për këtë arsye, GJKKO-ja ka caktuar masën e sigurimit personal shtrëngues “detyrim për t’u paraqitur në policinë gjyqësore” ndaj ish-kryeministrit si person nën hetim.
“Drejtësia me regji ka ndërmarrë veprimet e saj antikushtetuese dhe të paligjshme ndaj Kryetarit të Partisë Demokratike Prof. Dr. Sali Berisha me urdhër politik të Edi Ramës”, shkruan fillimisht ish kreu i shtetit.
Sipas tij, këto veprime, kërkojnë shmangien e vëmendjes nga “korrupsioni dhe përgjegjësitë shumë të rënda personale të Edi Ramës për aferën e inceneratorëve dhe mjaft aferave të tjerave qindra milionëshe”.
Meta vëren në median sociale “Facebook” se qëllimi politik i vetëm është shantazhi dhe intimidimi i opozitës.
Kjo e fundit, shton ai, po denoncon me këmbëngulje të vërtetat “shumë të hidhura të korrupsionit mafioz të Qeverisë”.
Ish-klubi Partizani: GJKKO zbulon vendimin për Sali Berishën dhe dhëndrin e tij
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE thotë se nevojiten më shumë burime për të luftuar dezinformimin rus – Ballkani i prekur
-
Shifra rekord për numrin e fluturimeve dhe të pasagjerëve, tregon INSTAT
-
Firmat kineze kalojnë ‘nëntokë’ në pagesat e Rusisë ndërsa bankat tërhiqen
-
Regjistrimi i serbëve në Veri do të shfaqte manipulimet me listat zgjedhore – “hezitimi, rezultat i institucioneve të Kosovës”