
Paga e një mercenari që lufton për grupin Wagner në Ukrainë mund të jetë rreth shtatë mijë dollarë në muaj.
Një shifër që mund edhe të shumëfishohet prej disa “bonuseve” që lidhen me vrasjen e armiqve.
Kështu ka bërë me dije një i ri gjerman, i cili po lufton për Ukrainën në frontin e Donbass-it.
21-vjeçari ka zbuluar gjithashtu se disa shtetas të huaj luftojnë në grupin Wagner, duke përfshirë gjermanë, amerikanë, francezë, britanikë dhe sirianë.
Ben Kauler, i quajtur kështu për arsye sigurie, ka rrëfyer se kishte marrë pjesë në arrestimin e dy mercenarëve gjermanë që shërbenin në batalionin Wagner.
“Dy gjermanët nuk flisnin mirë anglisht, unë u udhëzova t’i shoqëroja në Kiev dhe t’i përkthej gjatë marrjes në pyetje”, ka treguar Kauler.
Ai ka treguar se mësoi për pagat e grupit Wagner nga njëri prej dy të burgosurve , i quajtur Volker.
“Volker është nga Berlini. Ai kishte qenë i papunë për një kohë të gjatë dhe udhëtoi në Rusi në shtator për t’u bashkuar me grupin Wagner. Pa ndonjë përvojë paraprake ushtarake”, ka thënë Kauler.
Ai ka thënë se e kishte bërë këtë vetëm për paratë.
Mercenarët e Wagner-it, sipas tij, marrin pesë mijë dollarë në muaj plus kompensime, që ju shkon deri në shtatë mijë dollarë.
Por ata fitojnë edhe një rrogë shtesë nëse vrasin një nga ne të huajt dhe paraqesin pasaportën e kufomës si provë, duke marrë “dhjetë mijë dollarë të tjera”.
Marrë nga “La Stampa”, përshtatur për “Albanian Post”.
/Albanianpost.com-
Intel zhvlerësohet në treg me një rekord prej 8 miliardë dollarësh
-
Bild për propozimin franko-gjerman: Serbia përballë ultimatumit, të shkojë nga BE-ja ose të humbë gjithçka për Putinin
-
Finlanda lë të kuptohet për përfshirjen ruse në djegien e Kuranit në Suedi
-
Bajrami – Muratit: Ministër, mos thuaj të pavërteta, me vjen keq që je kaq injorant
Lajmet kryesore
-
E ardhmja e Ballkanit Perëndimor në sytë e “optimistit tragjik”, Edi Rama rrëfehet për median malazeze
-
“Terrorist i ndyrë”, fëmijët azilkërkues u kërcënuan në hotelin e autoriteteve britanike
-
Italia nënshkruan një marrëveshje gazi prej 8 miliardë dollarësh me Libinë
-
Bajrami – Muratit: Ministër, mos thuaj të pavërteta, me vjen keq që je kaq injorant