Ministria për Evropën dhe Punët e Jashtme në Shqipëri, përmes një postimi në Twitter, i ka bërë thirrje presidentit rus, Vladimir Putin që të ulë tensionet në Ukrainë dhe ta zgjidhë situatën në mënyrë diplomatike.
“Në këtë situatë të vështirë, dëshirojmë të rikonfirmojmë edhe një herë mbështetjen e Shqipërisë ndaj sovranitetit dhe integritetit territorial të Ukrainës”, shkruan Ministria.
In this difficult situation we once again wish to reaffirm #Albania's support for #Ukraine's sovereignty and territorial integrity. We renew our call for #Russia to de-escalate and resolve the situation diplomatically.
— Albanian MEFA 🇦🇱 (@AlbanianDiplo) February 14, 2022
Sipas njoftimit zyrtar, kjo thirrje erdhi për shkak të zhvillimeve më të fundit në Ukrainë, ku njoftimet paraprake nga diplomatët amerikanë, janë ato se pritet një pushtim rus që prej javës tjetër, duke e përshkallëzuar më tej konfliktin.
Disa mjete komunikimi janë vënë po ashtu në gatishmëri për qytetarët shqiptarë në Ukrainë, në mënyrë që të marrin asistencën e nevojshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
