![](https://albanianpost.com/wp-content/uploads/2022/04/Armend-Mehaj-2021-Visar-Kadrolli-pics-1.jpg)
Ministri i Mbrojtjes së Kosovës, Armend Mehaj, është shprehur se vendimet e marra në Samitin e NATO-s në Madrid janë shpresë për botën e lirë dhe demokratike.
Mehaj, përmes një shkrimi në “Facebook”, ka thënë se Kosova, institucionet, populli e ushtria e saj besojnë në vlerat euroatlantike.
“Koha për Konceptin e ri strategjik të NATO-s. Koha për plan afatgjatë në sfidat e sigurisë në dimensionin global, si dhe përcaktimin dhe realizimin e plotë të detyrave politike dhe ushtarake të NATO-s. Koha për të emëruar qartë kërcënuesit afatgjatë për të gjithë zonën euro-atlantike, aty ku natyrshëm është edhe Kosova dhe populli i saj”.
Tutje, ai ka thënë se institucionet e Kosovës do të vazhdojnë të jenë të bashkuara.
“Republika e Kosovës, institucionet, populli dhe ushtria e saj besojnë në vlerat euroatlantike dhe garantueses së saj – NATO-së. Republika e Kosovës dhe NATO janë natyrshëm të bashkuara. Rrugëtojmë së bashku për paqen, stabilitetin dhe sigurinë globale. NATO i duhet Kosovës! Kosova i duhet NATO-s!”.
Udhëheqësit e NATO-s janë mbledhur në Madrid më 28-30 qershor për një nga takimet me të shumëpritura që aleanca ushtarake ka mbajtur kohët e fundit.
Derisa Suedia dhe Finlanda synojnë të zhbllokojnë rrugët e tyre drejt anëtarësimit, NATO po forcon krahun e saj lindor dhe Ukraina, e goditur nga lufta, është e dëshpëruar për më shumë mbështetje ushtarake.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Prokuroria e Tiranës i dërgon dosjen e ’21 Janarit’ SPAK-ut
-
Deputetet kërkojnë që ‘një në tre emra të jetë grua’ edhe pas rirenditjes me votë preferenciale
-
Obama mbështet hapur Harris: Do të bëhet një presidente fantastike e SHBA-ve
-
Komplikimet politike pas zgjedhjeve në Luginë dhe përfshirja e Kurtit për koalicion “shqiptar”