“Me siguri Albin Kurti është i kënaqur, sepse nuk ka pas ndjekës më të mirë se ju”, u ka thënë Kryetari i Parlamentit të Serbisë, Vladimir Orliç, deputetëve opozitarë serbë.
Këto komente ai i bëri në seancën parlamentare të gjashtë gushtit, e cila në rend dite kishte ndryshimin e akcizës, por që vazhdoi me të njëjtin ritëm si gjatë zgjedhjes së ministrit të ri të Ekonomisë së Serbisë, Slobodan Cvetkoviç – me bllokadë opozitare.
Deputetët opozitarë serbë përdoren vuvuzela e fishkëlluan si shenjë frustrimi ndaj ekzekutivit, duke bërë kështu që Orliç të reagonte duke i thënë opozitës së janë “për turp” dhe “hajdutë të dëshmuar”.
“Kujt po i bërtisni, kur jo vetëm Serbia, por e gjithë bota e di se nuk ka hajna më të mëdhenj se ju dhe ju jeni hajdutë të dënuar. Ju po i fryni ato vuvuzela, po goditni pronën e të gjithë qytetarëve të Serbisë, jeni gënjeshtarë të dëshmuar. Jeni brutal dhe të turpshëm”, u tha Orliç opozitës, të cilët po fishkëllenin dhe bënin zhurmë teksa qëndronin para tavolinës së kryetarit të kuvendit serb.
Novi “ministar” položio zakletvu u veličanstvenoj atmosferi koji je priredila opozicija👇 pic.twitter.com/Df6WhZemx2
— Zoran Lutovac (@ZoranLutovac) September 6, 2023
Seanca e 6 shtatorit është vazhdimësi e asaj të 5 shtatorit, ku edhe të martën opozita serbe bllokoi punën e kuvendit.
Kjo seancë filloi me thirrjet “hajdutë” dhe “jashtë”, me fishkëllima dhe zhurmë nga deputetët e opozitës drejtuar qeverisë serbe.
Opozita serbe, e cila është duke organizuar protesta me sloganin “Serbia kundër dhunës” – pas dy ngjarjeve tragjike që ndodhën në Beograd në maj, ku mbetën të vrarë dhjetëra persona – njoftoi se pas pyetjeve parlamentare në seancë, “po bllokon punën e Kuvendit” sepse qeveria “ka katër muaj që hesht për kërkesat e protestuesve”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
