Ndaj ish ministres së Integrimeve Evropiane, Dhurata Hoxha dhe tre të tjerëve Fitim Mustafa, Gëzim Dushi dhe Ekrem Tahiri seanca fillestare për korrupsion pritet që të mbahet më 26 maj të këtij viti.
Lajmin e ka bërë të ditur zyrtarja për informim e Gjykatës Themelore në Prishtinë, Mirlinda Gashi.
“Duke ju referuar kërkesës tuaj për informata, ju njoftojmë se lidhur me rastin e të pandehurve Dh.H, F.M, G.D dhe E.T është caktuar seanca e shqyrtimit fillestar, e cila do të mbahet me datë 26.05.2022 në ora 08:45. Rasti i është ndarë në punë gjyqtarit Vesel Ismaili, gjyqtar në Departamentin Special të Gjykatës Themelore në Prishtinë”, tha Gashi për Betimi për Drejtësi.
Më 12 maj, Prokuroria Speciale në Kosovë, ka ngritur edhe një aktakuzë ndaj ish ministres së Integrimeve Evropiane, Dhurata Hoxha.
Ndërsa, bashkë me Hoxhën thuhet se akuzohen edhe tre të pandehurit me inicialet F.M dhe G.D, ka raportuar, “Betimi për Drejtësi”.
Të akuzuarit dyshohen se në cilësi të personave zyrtarë dyshohet se kanë kryer veprën penale, “Keqpërdorim i pozitës apo autoritetit zyrtar”.
“Aktakuzë kundër katër personave për keqpërdorim të pozitës apo autoritetit zyrtar. Prishtinë, 10 maj 2022 – Prokuroria Speciale e Republikës së Kosovës (PSRK), ka ngritur aktakuzë në Gjykatën Themelore në Prishtinë – Departamentin Special, kundër katër (4) të pandehurve me iniciale F.M., Dh.H., G.D dhe E.T”.
Ndryshe, të akuzuarit ishin deklaruar të pafajshëm në seancën e shqyrtimit fillestarë të mbajtur më 1 shtator të 2021.
Ky rast gjykohet nga gjykatësi i Departamentit Special të Gjykatës Themelore në Prishtinë, Arben Hoti.
Sipas aktakuzës së ngritur më 7 korrik 2021, nga Prokuroria Speciale e Republikës së Kosovës, Dhurata Hoxha, Kushtrim Cukaj dhe Fitim Mustafa po akuzohen se në vazhdimësi kanë kryer veprën penale “Keqpërdorimi i pozitës apo autoritetit zyrtar” nga neni 414, paragrafi 2 lidhur me nenin 77 paragrafi 1 të KPRK-së.
Kurse, Demush Shasha dhe Nuhi Osmani po akuzohen se kanë kryer veprën penale “Keqpërdorimi i pozitës apo autoritetit zyrtar’’.
Në aktakuzë thuhet se Hoxha në cilësinë e ministres së MIE-së, kishe tejkaluar kompetencat e saj me qëllim të përfitimit të dobisë pasurore personit tjetër, respektivisht operatorëve ekonomik “Majorelle PR & Events” dhe “Madison Strategies LLC”.
Siç thuhet në aktin akuzues, Hoxha më 11 maj 2018 kishte kërkuar nga Sekretari i Përgjithshëm i MIE-së, Demush Shasha nisjen e procedurave të prokurimit për aktivitetin e prokurimit “Shërbime të konsulencës për nevojat e MIE-së”, duke përcaktuar procedurën që duhej aplikuar dhe emrin e “Majorelle PR & Events” me të cilin duhej lidhur kontrata.
Sipas aktakuzës, e njëjta e bëri këtë edhe pse e kishte ditur se sipas ligjit këto nuk ishin në kompetencë të ministrit, me ç’rast ata i kanë mundësuar këtij operatori lidhjen e kontratës në vlerë 180 mijë euro dhe si rrjedhojë edhe përfitimin e dobisë pasurore në këtë vlerë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Raportimi i AP-së, Tasholli: VV të vjedhë natën e të qajnë ditën se si është shkatërru vendi që 20 vjet
-
Irani mund të rimendojë politikën bërthamore në dritën e kërcënimit nga Izraeli, sipas IRGC
-
Në seancë të improvizuar, Ali Ahmeti “zgjedhë” Ziadin Selën Kryetar të Kuvendit dhe Bujar Osmanin President të Maqedonisë
-
Ngritët aktakuzë ndaj 18 zyrtarëve për keqpërdorim me subvencione – akuzohen se dëmtuan buxhetin mbi 100 mijë euro
Lajmet kryesore
-
Ekskluzive: Liburn Aliu e Naser Hafizi ia shlyen kompanisë “Fluidi” borxhin prej 3.5 milionëve për vetëm 13 mijë euro
-
“Institucioni i Prefektit ka dështuar në territor, nevojitet reformë tërësore”
-
Irani mund të rimendojë politikën bërthamore në dritën e kërcënimit nga Izraeli, sipas IRGC
-
S’ka marrëveshje për dinarin, saga vazhdon javën tjetër