![](https://albanianpost.com/wp-content/uploads/2022/03/auto_donald1646763673.jpg)
Kompania amerikane e ushqimit “Fast Food” “McDonald’s” ka njoftuar se do të mbyllë përkohësisht 850 restorantet e saj në Rusi, pas presionit të madh për të marrë një qëndrim mbi pushtimin e Ukrainës me urdhër të Kremlinit.
Në një deklaratë kompania tha se, “vlerat tona nënkuptojnë se ne nuk mund të injorojmë vuajtjet e panevojshme njerëzore që shpalosen në Ukrainë”.
“McDonald’s” shtoi se kishte punësuar 62 mijë njerëz në Rusi, të cilët kishin “derdhur zemrën dhe shpirtin e tyre” në markë. Ajo premtoi të vazhdojë të paguajë punonjësit e saj në Rusi dhe Ukrainë.
Vendimi i zinxhirit të ushqimit të shpejtë për të ndërprerë përkohësisht operacionet e tij në Moskë është një moment historik në thellimin e izolimit ekonomik të Rusisë.
“McDonald’s” ishte një nga kompanitë e para perëndimore që hapi një filial në Rusi në ditët e fundit të Bashkimit Sovjetik. Mijëra rusë u vunë në radhë për të provuar hamburgerët e tij, kur “McDonalds-i” i parë u hap në janar të vitit 1990.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Deputetët e VV-së bllokojnë komisionin parlamentar për llogari të Selajdin Beqës, njeriu me aktakuzë që rrahu kolegun në zyrë
-
Balla pret Wisner: SHBA, mbështetje Shqipërisë në sfidat e sigurisë publike
-
Prokurorët hapin hetim pasi rrjeti hekurudhor francez u godit nga zjarrvëniet
-
6 vjet pa Adem Demaçin