Futbollisti i Kosovës, Betim Fazliji, pritet që të transferohet te skuadra e Bundesliga-s së dytë gjermane, St Pauli.
Lajmin e ka bërë të ditur e përditshmja gjermane, “Bild”, të cilët raportojnë që klubi gjerman është afër marrëveshjes me klubin e Fazlijit, St Gallen.
Fazliji ka kontratë me klubin zviceran deri në verën e vitit të ardhshëm dhe ai iu ka thënë drejtuesve që nuk do ta vazhdojë bashkëpunimin.
Në këtë mënyrë, St Pauli, do të bëjë një ofertë prej 700 mijë eurove në orët e ardhshme, për ta bërë Fazlijin të tyre.
Mediumi i lartcekur gjerman, shkruan se oferta tashmë është pranuar nga St Gallen, me Fazlijin që do të udhëtojë në Hamburg në javën e ardhshme për t’i kryer testet mjekësore.
Kujtojmë që 23-vjeçari është produkt i akademisë së St Gallen. Në dy vitet e fundit, ai ka qenë një nga futbollistët kryesorë në formacionin e klubit zviceran.
Në rast se transferohet në St Pauli, Fazliji do të gjente atje futbollistin tjetër kosovar, Leart Paqaradën.
Kujtojmë që Fazliji numëron 14 ndeshje zyrtare me fanellën e Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ranucci tregon pse nuk u transmetua pjesa e dytë e ‘Report’ për Shqipërinë
-
BE dënon sulmin ndaj gjyqtarit Tonin Stërkaj
-
Celibashi i bën thirrje Kuvendit të vendosë për votën e diasporës
-
“European Pravda”: Bislimi s’e përdori fjalinë “gati për luftë” në asnjë rast, pavarësisht se u pyet specifikisht për mundësinë e luftës