Mbreti Charles i thotë kryeministrit Sunak se ka “qarë” nga mesazhet që mori prej njerëzve pas diagostikimit me kancer

Mbreti Charles është kthyer në detyrën mbretërore pas diagnostikimit me kancer, derisa u takua me kryeministrin e Mbretërisë së Bashkuar Rishi Sunak të mërkurën pasdite të 21 shkurtit në Pallatin Buckingham.

Audienca e tij ballë për ballë ishte e para që kur monarku zbuloi se ai ishte diagnostikuar me kancer, shkruan People, transmeton AlbanianPost.

Pavarësisht nga kanceri i tij, i cili u zbulua kur ai po trajtohej për një prostatë të zmadhuar beninje, Mbreti Charles ka vazhduar me punët e tij shtetërore – por kryesisht në prapaskenë.

Dy javë më parë, Mbreti dhe Sunak shkëmbyen një telefonatë, e cila ishte më shumë një bisedë përditësimi, ndryshe nga ato që monarku dhe kryeministri tradicionalisht mbajnë çdo javë.

Kjo ndryshoi me publikimin e fotografive dhe pamjeve video të takimit të mbretit Charles me Sunak.

Sunak tha se ishte “e mrekullueshme” të shihte mbretin Charles të dukej kaq mirë, derisa theksoi se i gjithë populli po e mbështetë atë në betejën e tij shëndetësore.

“Kam pasur kaq shumë mesazhe dhe letra të mrekullueshme. Më kanë bërë të qaja shumicën e kohës”, ka thënë mbreti Charles.

Kryeministri dhe monarku folën gjithashtu se si lajmet e mbretit për kancerin kanë vënë në qendër të vëmendjes shumë organizata bamirëse jetike për kancerin.

“Dëgjoj se ka pasur shumë më tepër vëmendje dhe interes për ato bamirësi kryesore, të mrekullueshme të kancerit, shumë prej të cilave unë kam qenë mbrojtës prej vitesh”, tha Mbreti duke qeshur.

“Ata bëjnë punë të jashtëzakonshme lart e poshtë vendit”, u përgjigj Sunak.

Takimi pasoi një mbledhje të Këshillit Privat të Mbretit Charles më herët pasdite.

Ishte Sunak ai që tha menjëherë pas diagnozës së mbretit Charles se kanceri ishte “diagnostikuar herët”.

“Natyrisht, si gjithë të tjerët, të tronditur dhe të trishtuar, dhe të gjitha mendimet tona janë me të dhe familjen e tij. Fatmirësisht, kjo është zbuluar herët”, tha Sunak më 6 shkurt.

Ndërsa Mbreti Charles ka anuluar shumicën e detyrave dhe angazhimeve personale, monarku ka qenë i vendosur të shihet kur të jetë e mundur, ndërsa përballet me kursin e trajtimit.

Ashtu si javët e fundit, ai u bashkua me gruan e tij, Mbretëreshën Camilla, 76 vjeçe, për shërbimet e kishës në kishën e Shën Marisë Magdalene në pasurinë Sandringham në Norfolk.

Mbreti Charles ka qëndruar kryesisht në pasurinë e familjes mbretërore në Sandringham që kur pallati zbuloi më 5 shkurt se ai ishte diagnostikuar me kancer. Megjithatë, ai ka udhëtuar në Londër për kurim si dhe takime me stafin e pallatit.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.