Mbretëria e “qetësisë” shpirtërore

Një vend misterioz dhe piktoresk, i vendosur midis Indisë dhe Kinës në Azinë Jugore, i cili u zbulua në vitin 1974.

Zyrtarisht Mbretëria e Butanit (tibetisht Druk Yul “Mbretëria e Dragoit”) është kthyer në një nga vendet e preferuar të turistëve nga mbarë bota.

Mirëpo, më parë ata duhet që të kalojnë në një sërë procedurash të stërzgjatura: mbreti i vendit përpiqet të kufizojë numrin e turistëve.

Deri në vitin 1999, në Butan ishte e ndaluar rreptësisht përdorimi i televizorit dhe internetit. Por, pasi u pa që ishte e pamundur të qëndrohej larg teknologjisë, u vendos që ligji të shfuqizohej.

Për t’u kujdesur për qetësinë shpirtërore, në vitin 2008 u formua ‘Komiteti i Lumturisë’. Për më tepër ekziston edhe ‘Ministria e Lumturisë,’ që përcakton ekuilibrin e vlerave financiare, mendore dhe shpirtërore.

Në Butan nuk ka asnjë njeri që jeton rrugëve. Nëse dikush humbet shtëpinë apo është i pastrehë, mjafton të drejtohen te mbreti Jigme Khesar Namgyel Wangchuck, i cili menjëherë kujdeset për t’u dhënë një copë tokë, ku mund të jetojnë. E qartë pse njerëzit e konsiderojnë veten shumë të lumtur.

Çdo banor ka të drejtën të përfitojë kujdes mjekësor falas. Ndalohet kultivimi dhe shitja e duhanit. Është praktikisht e pamundur të blesh duhan.

Turistët duhet të kenë një sërë dokumentesh të nevojshme dhe duhet të paguajnë tarifë nëse duan të marrin cigare me vete.

Banorët e Butanit tregojnë një kujdes të jashtëzakonshëm për ekologjinë dhe natyrën. Në vitin 2015, kjo mbretëri vendosi një rekord botëror, duke mbjellë 50 mijë pemë në vetëm një orë.

Gratë janë më të respektuarat në vend. Të gjitha pronat, sendet personale dhe pasuritë e tjera i shkojnë vajzës së madhe, jo djalit.

Sot, bota po përpiqet vazhdimisht të shkojë drejt gjërave “bio”. Në Butan, nuk ka probleme të këtij lloji.

Është e jashtëligjshme përdorimi i produkteve kimike. Çdo gjë kultivohet brenda vendit në metoda krejt natyrale.

Nuk ka trafik në kryeqytetin Thimphu, nuk ka semaforë, por kjo nuk është problem për këmbësorët. Në të gjitha rrugët ndodhen policë që drejtojnë qarkullimin.

Edhe pse ky vend duket sikur ka masa tepër të rrepta, njerëzit e Butanit janë shumë miqësorë dhe të lumtur.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.