Suella Braverman ka këmbëngulur se qeveria duhet t’i “fundosë” kalimet ilegale pasi ka konfirmuar se kanë ndërruar jetë katër persona pas fundosjes së gomones në Kanal.
Sipas sekretares së Brendshme të Mbretërisë së Bashkuar, ajo do të krijojë “rrugë të sigurta dhe ligjore” për azilkërkuesit vetëm pasi të merret me krizën e gomoneve.
Reagimet e saj vijnë pas kritikave nga deputetët për shtigje të reja për të aplikuar për statusin e refugjatit.
“Këto janë ditët që i kemi frikë. Kalimi i Kanalit me gomone është një përpjekje vdekjeprurëse. Për këtë arsye po punojmë kaq shumë për të shkatërruar modelin e biznesit të kontrabandistëve të njerëzve, kriminelëve të këqij, të organizuar që i trajtojnë qeniet njerëzore si ngarkesë”.
Ajo, duke iu referuar vdekjes së 27 personave në Kanal nëntorin e kaluar, ka thënë se qeveria duhet t’i japë fund këtyre kalimeve sidomos pas ngjarjes së fundit.
“Tragjedia e mëngjesit të sotëm, si humbja e 27 njerëzve në një ditë nëntori të vitit të kaluar, thekson se duhet t’i japim fund këtyre kalimeve”, ka theksuar ajo.
Braverman ka thënë se një plan prej pesë pikash i shpallur të martën nga Rishi Sunak, i cili përfshin plane për të hartuar ligje për të kriminalizuar ata që udhëtojnë në Mbretërinë e Bashkuar me gomone, si dhe punësimin e më shumë njerëzve për të reduktuar një grumbull prej gati 150 mijë kërkesash, do të ndihmonte për t’i dhënë fund krizës së gomoneve.
“Ne do të zgjerojmë rrugë të sigurta dhe ligjore pasi të kemi përballur bandat e tmerrshme të kontrabandës së njerëzve që rrezikojnë jetën e njerëzve, siç e kemi parë këtë mëngjes”, ka thënë ajo.
Tentuan të kalonin Kanalin me varkë, britanikët konfirmojnë 4 të vdekur e 43 të shpëtuar
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kevin Spacey rrëzon vendimin e Mbretërisë së Bashkuar në rastin e sulmeve seksuale për gabimin e avokatëve
-
Rama mirëpret vendimin e KE-së për planin e rritjes së Ballkanit, e quan shtysë të re për zgjerimin
-
Stano: Për heqjen ose jo të masave ndëshkuese ndaj Kosovës, do vendoset pasi të përfundojë raporti i Këshillit të BE-së
-
Kalvari i vuajtjeve të 25-vjeçarit në Miami, mes torturave në burg dhe talljeve të efektivëve
Lajmet kryesore
-
Rama mirëpret vendimin e KE-së për planin e rritjes së Ballkanit, e quan shtysë të re për zgjerimin
-
Me tensione të herëpashershme, mbyllet protesta e opozitës para Bashkisë Tiranë
-
Betimi i Putinit – Oligarkë, patriarkë dhe nipër sekretë
-
Policia gjen kamera ilegale në kufi me Serbinë, dyshohet se përdoreshin nga kontrabanduesit