Komisioni Hetimor për zgjedhjet e 25 prillit ka nisur punën të premten e 22 tetorit mes debateve të Partisë Demokratike (PD) dhe Partisë Socialiste (PS) për miratimin e rendit të ditës.
Nënkryetari i komisionit, Toni Gogu, kërkoi që të miratohet në parim rregullorja dhe të votohet rendi i ditës.
Nga ana tjetër, deputeti i PD-së, Gazment Bardhi, tha se kjo gjë nuk mund të bëhet në komision.
Më pas, kreu i komisionit, Enkelejd Alibeaj, prezantoi rendin e ditës.
Në këtë mbledhje janë të pranishme të dyja palët, si opozita dhe mazhoranca. Kujtojmë se, dy ditë më parë, PS nuk ishte prezente në mbledhje.
Alibeaj u shpreh se ky takim është vazhdim i ezaurimit të mbledhjes së parë, për të diskutuar tre çështjet: shqyrtimi dhe miratimi i Rregullores së brendshme të funksionimit të Komisionit Hetimor, zgjedhja e Sekretarit të Komisionit dhe përcaktimi i mbledhjes së ardhshme të Komisionit.
Komisioni hetimor parlamentar “Për kontrollin e veprimtarisë së organeve të administratës publike dhe pushtetit vendos, për të verifikuar përdorimin e burimeve të administratës shtetërore për qëllime elektorale në zgjedhjet e 25 prillit 2021” nuk u zhvillua të mërkurën e 20 tetorit siç ishte planifikuar.
Kjo, për shkak të mungesës së kuorumit të nevojshëm.
Ngritja e komisionit
Nga radhët e PS-së e patën bërë të qartë që më 11 tetor, se për ngritjen e komisionit hetimor për pretendimin e “masakrës zgjedhore” nga ana e demokratëve, do ta kalonte në Kuvend.
Ishte kreu i Grupit Parlamentar të të majtëve, Taulant Balla, i cili qartësoi qëndrimin e socialistëve mbi çështjen.
Më 1 tetor, nënkryetarja e Partisë Demokratike, Grida Duma, pat njoftuar se demokratët do të kërkonin ngritjen e tre komisioneve hetimore.
Ai i zgjedhjeve, ishte i pari që u pranua. Pritet që, në seancën e ardhshme, të votohet pro edhe për komisionin hetimor mbi “Inceneratorët”.
Ndërsa ngritja e një komisioni për shqyrtimin e çështjes “Becchetti” nuk u pranua nga mazhoranca.
Komisioni i parë që do të nisë zyrtarisht punën është ai i “masakrës zgjedhore”, me një periudhë të caktuar prej tre muajsh.
Nëse demokratët nuk arrijnë të verifikojnë shkelje në proces, atëherë një ndër kauzat e tyre më të mëdha në opozitë do të bjerë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Hasani nga Estonia: Shqipëria, qëndrim të palëkundur në mbrojtje të Ukrainës
-
SPAK zbardh skemën: Grupi i Ervis Martinajt aleancë me Arben Ndokën dhe Emiljano Shullazin për të eliminuar Durim Bamin
-
Megaoperacioni i SPAK: Goditen 7 grupe kriminale, 50 urdhër-arreste dhe 4.5 milionë euro të sekuestruara
Lajmet kryesore
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Hasani nga Estonia: Shqipëria, qëndrim të palëkundur në mbrojtje të Ukrainës
-
Izraeli po e torturon Marwan Barghoutin, Mandela palestinez tashmë nuk njihet
-
Humbën ndaj “Frontit Evropian”, liderët e “VLEN”-it takohen me Kurtin – i përgëzon për rezultatin