Mbi 92 mijë kërkesa për azil u dorëzuan në BE janarin e kaluar

Të dhënat e fundit nga Agjencia e Bashkimit Evropian për Azil (EUAA) zbuluan se ata kanë regjistruar gjithsej 92 mijë kërkesa për azil në janar të këtij viti.

Një shifër e ngjashme është shënuar edhe në dhjetor të vitit të kaluar.

Rreth një milion kërkesa për azil janë regjistruar në vitin 2022, përveç mbi katër milionë njerëzve që kanë ikur nga Ukraina dhe përfitojnë nga mbrojtja e përkohshme në BE.

Gjatë janarit të këtij viti, aplikantët që përfaqësonin grupin më të madh të azilkërkuesve ishin sirianë me 12 mijë e 700 kërkesa dhe afganë me 12 mijë e 100.

Po ashtu shtetasit turq regjistruan afërsisht një të tretën më shumë aplikime në janar 2023 me 6 mijë e 400 se mesatarja mujore e vitit 2022.

Turqit u pasuan nga venezuelianët me 4 mijë e 800 kërkesa për azil dhe kolumbianët me 4 mijë e 400, që përfaqësojnë dy të pestat dhe katër të pestat më shumë krahasuar me janar të vitit të kaluar.

Bazuar te të dhënat, në muajin e parë të këtij viti, shkalla e njohjes BE+ ishte 41 për qind, në përputhje me dhjetorin 2022, por me disa pikë përqindjeje në krahasim me janarin 2022, pasi shkalla e njohjes BE+ nuk përfshin personat që marrin mbrojtja kombëtare.

Gjithashtu të dhënat tregojnë se në fund të janarit 2023, kishte gjithsej 644 mijë raste që prisnin një vendim të shkallës së parë, që është më së shumti që nga fillimi i vitit 2017, kur vendet e BE+ po përpunonin aplikimet e paraqitura gjatë krizës së migracionit 2015 -2016.

Më parë, shifrat e siguruara nga i njëjti burim zbuluan se 966 mijë kërkesa për azil iu dorëzuan autoriteteve të BE-së në vitin 2022.

Sipas raportit vjetor, kjo shifër u rrit me 50 për qind nga viti 2021, duke u bërë numri më i lartë i regjistruar që nga viti 2016.

Në mesin e aplikantëve dominuan sirianë dhe afganë me numrin më të madh përkatësisht 132 mijë dhe 129 mijë.

Përveç kësaj, aplikantët turq u bënë grupi i tretë më i madh pasi numri i aplikimeve të tyre u rrit në vitin 2022. Në të njëjtën kohë, venezuelianët me 51 mijë aplikime dhe kolumbianët me 43 mijë zunë vendin e katërt dhe të pestë.

Analiza vjetore e EUAA-së 2022 tregon gjithashtu se rreth 107 mijë e 300 kërkesa për azil janë dorëzuar në BE+ në nëntor të vitit të kaluar.

Autoriteti gjithashtu theksoi se gjatë kësaj periudhe, numri më i madh i kërkesave për azil janë paraqitur nga shtetas sirianë, afganë dhe turq.

Në nëntor 2022, gjithsej 17 mijë e 700 sirianë paraqitën kërkesë për azil, të ndjekur nga afganët me 14 mijë e 900 kërkesa dhe turqit me 8 mijë e 300.

Marrë nga “SchengenVisaInfo.com”, përshtatur për “Albanian Post”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.