![](https://albanianpost.com/wp-content/uploads/2024/03/432569637_956192359207825_7064867394042532449_n.jpg)
Qeveria e Kosovës, përmes mbledhjes elektronike të enjten ka miratuar mbi 200 mijë euro për familjet në nevojë në kuadër të Pakos së Ringjalljes Elektronike.
“Vendimin për ndarjen e 273,600 euro për zbatimin e masës 3.4 – Kuponë ushqimi për familjet në nevojë”, thuhet në komunikatë.
Përveç këtij vendimi në mbledhjen e ekzekutivit është miratuar edhe ndarja e 500 mijë eurove për zbatimin e masës Skema e Granteve për Zanate të Pakos së Ringjalljes Ekonomike.
Ndërsa, është bërë edhe emërimi i anëtarëve në Komisionin për Kontrollin e Tregtisë.
“Sipas këtij ndryshim-plotësimi, z. Driton Ademi, zëvendës anëtar, zëvendësohet nga z. Destan Mustafa, zëvendës anëtar i këtij komisioni. Gjithashtu znj. Elmaze Pireva, anëtare, zëvendësohet nga z. Berat Jashari, anëtar”.
Ministrit të Financave, Punës dhe Transfereve, Hekuran Murati i është dhënë leje për të kërkuar nga presidentja e Kosovës, Vjosa Osmani dhënien e autorizimit për nënshkrimin e Marrëveshjes së Financimit mes Kosovës dhe Asociacionit Ndërkombëtar për Zhvillim.
Kjo marrëveshje ka të bëjë me financimin e politikave zhvillimore për efektivitetin fiskal, konkurrueshmërinë dhe rritjen e gjelbër.
Gjithashtu, është miratuar edhe raporti i vlerësimit të përshtatshmërisë së sistemit të financimit të komunave për vitin 2023.
E po ashtu edhe raporti vjetor financiar për buxhetin e Kosovës për vitin 2023.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti: Po punojmë çdo ditë që ish ushtari i UÇK-së të lirohet
-
LDK-ja pranon ftesën e Osmanit për diskutimin e datës së zgjedhjeve
-
Elshani për garën e kërcimit në Ujman: Për ne është detyrë, dikush mund ta shoh si provokim
-
KFOR: Kemi patrullime të rregullta në kufirin me Serbinë për siguri dhe stabilitet