Policia italiane në qytetin e Milanos ka arrestuar të mërkurën një 19 vjeçare (me emrin Bleona Tafallari e cila përdorte pseudonimin “nusja pelegrine” në llogaritë e saj online) italiane me origjinë kosovar, nën akuzat për terrorizëm ndërkombëtar.
Gjykatësi i hetimeve paraprake ka thënë se disa nga mijëra fotografitë dhe videot e ruajtura në telefonin e vajzës, kanë përmbajtje të krijuar nga krahu mediatik i grupit militant Shteti Islamik (IS), i njohur si “Al Hayat Media Center”.
Gjithshtu, raportohet se ajo ishte radikalizuar qysh në moshën 16 vjeçare, ndërsa së fundi ajo drejtonte një rrjet të grave, ku bindte vajza të tjera të martoheshin me xhihadistët.
Fotot dhe videot në telefonin e të arrestuarës kishin skena të luftës, “ekzekutime të të pafeve me prerje të kokës” dhe “skena të sulmeve terroriste”.
Agjencia ANSA ka raportuar se në telefonin e të dyshuarës është gjetur edhe një fotografi e burrit që bëri sulm vetëvrasës më 26 gusht në Aeroportin e Kabulit, ku u vranë 183 njerëz, ku 170 ishin civilë afganë dhe 13 pjesëtarë të ushtrisë amerikane. Për këtë sulm përgjegjësinë e kishte marrë një degë e IS-it, e njohur si Shteti Islamik Khorasan.
Kur “Shteti Islamik” (IS) kishte marrë kontrollin e shumë territoreve në Siri dhe Irak në vitin 2011, qindra kosovarë, në mesin e tyre edhe gra me fëmijë, kishin udhëtuar drejt këtyre vendeve.
Në bazë të statistikave të policisë së Kosovës thuhet se afro 400 qytetarë të Kosovës, kanë marrë pjesë në gjashtë vitet e fundit në konflikte në Siri dhe Irak përkrah grupit militant të ashtuquajtur “Shteti Islamik”.
Po ashtu sipas policisë thuhet se më shumë se 70 prej tyre janë vrarë, ndërsa në muajin prill të vitit 2019 ishin riatdhesuar 110 kosovarë nga të cilët, katër ishin luftëtarë, 32 gra dhe 74 fëmijë.
Por, në Siri kanë mbetur edhe rreth 100 kosovarë të tjerë, prej të cilëve rreth 40 besohet se janë fëmijë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Krimeve mund të kërkojë arrestimin e Netanyahut, Gallant dhe Halevit
-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”
