![](https://albanianpost.com/wp-content/uploads/2022/03/20190704134837_banka-e-shqiperise-foto.png)
Komisioni i Ekonomisë ka dërguar në Kuvend dy kandidaturat për Këshillin Mbikëqyrës të Bankës së Shqipërisë.
Emrat e propozuar nga Komisioni janë: Anastas Angjeli dhe Natasha Ahmetaj.
Më herët, Komisioni i Ekonomisë dëgjoi 17 kandidaturat e vetëofruara. Më tej, Komisioni me mbështetjen e të paktën 28 deputetëve për secilën kandidaturë, i kaloi seancës së ardhshme plenare emrat për anëtarë të Këshillit Mbikëqyrës.
Në komision, deputeti i Partisë Demokratike (PD), Arbi Agalliu, u kërkoi deputetëve që anëtarët e Këshillit Mbikëqyrës të kenë gjithëpërfshirjen e mazhorancës dhe opozitës, për aq kohë sa Banka e Shqipërisë është institucion i pavarur.
Në përgjigje të Agalliut, deputetja Blerina Gjylameti tha se kandidaturat janë zgjedhur në mënyrë konsensuale.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com