Presidenti egjiptian Abdel Fattah el-Sisi ka nisur fjalimin e tij në hapjen e Samitit të Paqes në Kajro.
Ai thotë se ka rënë dakord me presidentin amerikan Joe Biden për të operuar “vazhdimisht” kalimin në Rafah nën mbikëqyrjen e Kombeve të Bashkuara dhe Gjysmëhënës së Kuqe Palestineze.
“Egjipti nuk e mbylli kalimin Rafah në asnjë moment”, tha el-Sisi.
Ai shtoi se bombardimet e përsëritura izraelite në anën palestineze kishin penguar agjencitë humanitare të arrinin në enklavë.
“Ne takohemi sot në Kajro në një situatë shumë të vështirë që shqyrton humanizmin tonë dhe besimet që ne pretendojmë të mbajmë”, theksoi el-Sisi në samit.
“Ku janë vlerat e qytetërimit humanitar që kemi ndërtuar ndër vite e shekuj? Ku është barazia mes njerëzve të pafajshëm pa standarde të dyfishta?”, shtoi ai.
El-Sisi nënvizoi se Egjipti dënon qartë dhe hapur shënjestrimin dhe vrasjen e civilëve paqësorë, duke shtuar se ai ishte “i habitur” nga fakti që bota mund të qëndronte prapa dhe shikonte një katastrofë humanitare që përbën një dënim kolektiv që shpaloset në Gaza.
Ai ravijëzoi se Kajro kundërshtoi zhvendosjen e banorëve të Gazës në Sinai, pasi kjo do të sillte fundin e ëndrrës palestineze për shtetësi.
Programi Botëror i Ushqimit i OKB-së (WFP) zbuloi më herët se karvani i parë i ndihmave të nisura për në Rripin e Gazës përmban 60 tonë ushqim.
Teneqe me ton, miell, makarona dhe fasule, mes sendeve të tjera, do t’u shpërndahen atyre në nevojë sa më shpejt të jetë e mundur, tha WFP-ja.
Drejtoresha Ekzekutive e WFP-së, Cindy McCain, në një mesazh të dërguar nga Kajro, bëri thirrje për “qasje të menjëhershme, të sigurt dhe të qëndrueshme humanitare në Gaza”.
Ajo tha se ishte vetëm çështje ditësh para se ushqimi të mbaronte dhe palestinezët në Gaza të vdisnin nga uria.
WFP-ja ka ende 930 tonë ushqime në anën egjiptiane të vendkalimit dhe synon të ndihmojë 1.1 milion njerëz gjatë dy muajve të ardhshëm.
Ndihmat humanitare kanë filluar të kalojnë kufirin Rafah, drejt Gazës
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Krimeve mund të kërkojë arrestimin e Netanyahut, Gallant dhe Halevit
-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”
