Maroku shpall 3 ditë zie kombëtare, pas tërmetit tragjik me mbi 1000 viktima

Në Marok do të ketë tre ditë zie kombëtare pas tërmetit të natës që vrau më shumë se 1 mijë njerëz, sipas një njoftimi nga pallati mbretëror i vendit.

Vendimi vjen pas një takimi që diskutoi fatkeqësinë, të kryesuar nga Mbreti Mohamed VI.

“Është vendosur tre ditë zie kombëtare, me flamuj të valëvitur në gjysmështizë në të gjitha ndërtesat publike”, thuhet në një deklaratë të publikuar nga agjencia e lajmeve MAP.

Forcat e armatosura do të dërgojnë ekipe shpëtimi në zonat e prekura për të siguruar ujë të pijshëm të pastër, furnizime ushqimore, tenda dhe batanije, shtoi ai.

Tërmeti vrau të paktën 1 mijë e 37 njerëz me përditësimet e deri tanishme, shkatërroi ndërtesa historike dhe detyroi shumë të largoheshin nga shtëpitë e tyre.

Banorët në qytetet e mëdha raportuan britma “të padurueshme” ndërsa tërmeti i fortë bëri kërdi në të gjithë kombin e Afrikës Veriore, me humbje të çdo lloji që priten të rriten, nga njerëzit në ato ekonomike.

Ja çfarë dihet deri tani:

Sa i fuqishëm ishte tërmeti?

Mediat marokene raportuan se ishte tërmeti më i fuqishëm që ka goditur vendin deri më tani.

Shërbimi Gjeologjik i Shteteve të Bashkuara (USGS) vlerësoi magnitudën e tërmetit në 6.8 ballë dhe tha se ishte në një thellësi relativisht të cekët prej 18.5 kilometra.

Ndërkohë, qendra gjeofizike e Marokut tha se tërmeti goditi me magnitudë 7.2 ballë.

Sa persona janë prekur?

Të paktën 1 mijë e 37 të vrarë dhe mbi 1 mijë e 200 të plagosur, sipas mediave shtetërore marokene. Shumica e të vdekurve janë në zona malore të vështira për t’u arritur.

Tërmeti është më vdekjeprurësi i vendit që nga një lëkundje e vitit 2004 pranë al-Hoceima, në malet veriore Rif, ku humbën jetën më shumë se 600 njerëz.

Kur ndodhi?

Tërmeti goditi pas orës 23:00 me orën lokale (22:00 GMT) të premten në mbrëmje, sipas USGS-së.

Ku ka goditur?

Tërmeti u ndje në të gjithë vendin duke përfshirë provincat al-Haouz, Ouarzazate, Marrakesh, Azilal, Chichaoua dhe Taroudant.

Ku ishte epiqendra e saj?

Epiqendra e tërmetit ishte pranë vendpushimit të skive të Oukaimeden-it në malet Atlas, rreth 75 kilometra nga Marrakech-i.

Çfarë dëmesh janë raportuar deri më tani?

Banorët në Marrakech raportuan se disa ndërtesa u shembën në qytetin e vjetër, i cili është një vend i Trashëgimisë Botërore të UNESCO-s.

Pamjet e murit të qytetit mesjetar treguan të çara të mëdha në një pjesë me rrënojat e shtrira në rrugë.

Turistët dhe banorët postuan video të njerëzve që bërtisnin ndërsa iknin nga ndërtesat, ndërsa muzika pulsuese e klubit luajti në orët e vona kur ra tërmeti.

Video në mediat sociale tregoi se një pjesë e një minareje u shemb në sheshin e famshëm Jemaa el-Fna në qytetin historik, duke plagosur dy persona.

A kishte pasgoditje?

USGS-ja raportoi një pasgoditje me magnitudë 4.9 që goditi 19 minuta më vonë.

Burra, gra dhe fëmijë po qëndrojnë në rrugë, nga frika e mëtejshme të goditjeve, sipas raporteve të lajmeve.

A është i zakonshëm një tërmet i kësaj magnitude në Marok?

Një tërmet i kësaj madhësie nuk është parë në vend dhe zonat përreth për më shumë se 120 vjet.

“Që nga viti 1900, nuk ka pasur asnjë tërmet M6 [magnitudë 6] ose më i madh brenda 500 kilometrash nga ky tërmet, dhe vetëm nëntë M5 [magnitudë 5] e më shumë”, tha USGS-ja në faqen e saj të internetit.

A është ndjerë tërmeti diku tjetër?

Tërmeti u ndje deri në Portugali dhe Algjeri, sipas Institutit Portugez për Detin dhe Atmosferën dhe agjencinë e Mbrojtjes Civile të Algjerisë.