Marka “SKIMS” e Kim Kardashian bëhet partner zyrtar i veshjeve të brendshme të NBA-së e WNBA-së

Kompania e rrobave të brendshme e Kim Kardashian, SKIMS, po pushton botën e sportit.

Vetëm katër vjet pas fillimit të biznesit dhe katër ditë pas lançimit të linjës së parë të veshjeve për meshkuj, SKIMS tani është partneri zyrtar i veshjeve të brendshme të NBA, WNBA dhe basketbollit të SHBA-së.

“Jam jashtëzakonisht krenare për partneritetin e SKIMS me NBA, pasi është një reflektim i ndikimit në rritje të SKIMS në kulturë”, tha Kardashian, bashkëthemeluese dhe drejtoreshë kreative e kompanisë.

“Së bashku, SKIMS dhe NBA do të lidhin njerëz të të gjitha prejardhjeve përmes modës, sportit dhe talentit, dhe mezi pres të shoh që partneriteti të lulëzojë”, shtoi ajo.

Kardashians kanë histori me NBA

Si pjesë e prezantimit të veshjeve për meshkuj më 26 tetor, lojtari i NFL Nick Bosa, ylli brazilian i futbollit Neymar dhe ylli në rritje i NBA-së Shai Gilgeous-Alexander u shfaqën në një fotosesion të SKIMS.

Me listën e saj të fortë të mbështetësve të atletëve, mundësitë në sport janë të pafundme për SKIMS.

Familja Kardashian e di vetë se sa ndikues mund të jenë sportet për biznesin, konkretisht marrëdhënia e tyre me basketbollin.

Khloe Kardashian kishte marrëdhënie të profilit të lartë me lojtarët e NBA-së, Lamar Odom dhe Tristan Thompson, dhe Kim pati një romancë me një hooper, Kris Humphries, përpara se të martohej me Kanye West.

Ndërkohë, Kendall Jenner është përfolur për romancat e saj me mbi shtatë lojtarë të NBA-së.

“SKIMS është bërë shpejt një nga markat tona më me ndikim në kulturë”, tha komisioneri i NBA-së, Adam Silver.

“Ne mezi presim t’u sjellim fansave të NBA dhe përdoruesve të SKIMS përvoja unike, oferta të reja dhe produkte premium përmes partneritetit tonë”, shtoi ai.

Tifozët mund të presin të shohin partneritetin të vihet në jetë në ngjarjet e ardhshme, duke përfshirë NBA All-Star dhe NBA In-Season Tournament.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.