Florent Marciacq, bashkëpunëtor i institutit francez për marrëdhënie ndërkombëtare (IFRI), në një intervistë për shërbimin në gjuhën serbe të Zërit të Amerikës, ka thënë se Serbia e përdor pjesën veriore të Kosovës të banuar me shumicë serbe për të trembur e shantazhuar Perëndimin.
“Serbia e përdor veriun e Kosovës për destabilizim dhe për të trembur Perëndimin me agresion më të madh… Kështu që vazhdimisht kemi një lloj shantazhi”, ka thënë ai, duke shtuar se ideja që marrëveshja për shitjen e avionëve luftarakë “Rafale” nga presidenti francez, Emmanuel Macron, do ta afrojë Serbinë më pranë Bashkimit Evropian (BE) është një iluzion.
“Është një iluzion që Franca ose Macron padyshim e kanë – se shitja e disa ‘Rafale’-ëve do ta drejtojë Serbinë drejt BE-së ose Evropës. Është një iluzion të mendosh se për shkak se Serbia furnizon me municion Ukrainën, atëherë ajo është e përkushtuar ndaj Evropës”, ka nënvizuar ndër të tjera Marciacq.
Ndryshe, vëzhgues të çështjeve ballkanike kanë thënë se partneriteti ndërmjet Serbisë dhe BE-së – posaçërisht për litiumin, dhe kontrata multimiliardëshe për avionët “Rafale” të Francës – do t’i ofrojnë presidentit serb, Aleksandër Vuçiç, një mburojë kundër çfarëdo kritike apo presioni rreth politikës destruktive kundër Kosovës e autoritarizmit në rritje në Serbi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel
-
MPB-ja s’e komenton kërkesën e Vuçiçit për kthimin e serbëve në Policinë e Kosovës
-
Procesi i Berlinit dhe masat e BE-së kundër Kosovës, në fokus të takimit Osmani-Lührmann
Lajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel