Film

“Manifesta” ngjarja që ndriçoi Prishtinën për 100 ditë


Manifesta 14 në Prishtinë.

Për 100 ditë me radhë Prishtina u bë destinacon i një ngjarje të madhe kulturore.

Nga 22 korriku, në kuadër të “Manifestës”, Bienales Evropiane Nomade në Prishtinë ishte paraqitur puna e 103 artistëve në “Manifesta”.

Në hapësirat e Manifestës u prodhuan ngjarje, përjetime, tregime duke mbledhur rrëfime kolektive me strukturën kuratore të Bienales në Prishtinë apo vendin e parë të Ballkanit Perëndimor që u përzgjodh brenda ekosistemit kulturor evropian.

Historia e ukrainases dhe artistës Oksana Chepelyk, ishte vetëm njëra ndër veprat e artit që ishte paraqitur.

Ajo artin e saj e kishte paraqitur në “Manifesta 14”, e cila tregonte se po jeton ne një realitet të trishtë ku kujtimet e 10 ditëve qe kaloi ne Kiev akoma po e përndjekin.

Ajo mori rrugën drejt Prishtinës për t’u bërë pjesë e kësaj bienale.

Chepelyk, e pa si platformën e duhur për te treguar realitetin e hidhur qe po e përjeton populli saj.

Kjo ngjarje e madhe kulturore ishte edhe mundësia më e mirë që të rinjve i ishte ofruar që të shihnin art, më shumë se kurrë më parë.

Se “Manifestën 14”, e vizituan më shumë se që u mendua tregojnë edhe vetë shifrat përmbyllëse të cilat u paraqiten.

Që nga muaji korrik, e deri në fund të muajit tetor Manifestën e vizituan rreth 800 mijë persona.

Këto statistika u paraqiten pikërisht në konferencën përmbyllëse të kësaj ngjarje.

Në të cilët organizatorët e nikoqirët ishin zotuar se ndikimi i saj do të jetë afatgjatë. Ndërsa u tha se disa objekte që kanë shenjat e Bienales Nomade Evropiane do të vazhdojnë të janë të hapura.

Drejtoresha e “Manifestas”, Hedwing Fijen, kryetari i Komunës së Prishtinës Përparim Rama, dhe zëvendësministrja e Kulturës, Rinisë dhe Sportit, Daulina Osmani, kishin folur edhe për hapësirat, si dhe vazhdimësinë e ngjarjeve nëpërmjet fondacionit ndërkombëtar “Manifesta 14 Prishtina”, themeluar nga vetë Bienalja, Komuna e Prishtinës dhe Ministria e Kulturës, Rinisë dhe Sportit.

Qëllimi i kësaj ngjarje, ishte rikthimi i hapësirave publike te qytetarët.

Aktivitetet e edicionit të 14-të të “Manifestës” u mbajtën në ish-fabrikën e tullave, në hotelin Grand, në atë që quhet qendër për praktika narrative në ish-bibliotekën “Hivzi Sylejmani” dhe në lokacione të tjera të kryeqytetit të Kosovës.

Manifesta.

“Manifesta” në Prishtinë kishte ardhur nga Marsej. Buxhetit të shtetit deri tash i kushtoi gati 5 milionë euro dhe Prishtinën më 2018 e përzgjodhi si qytet në “udhëkryq midis perëndimit dhe lindjes së Evropës”.

Ishte në garë me Kievin e Vjenën. Pikërisht për faturën e lartë, jo pak artistë vendorë do ta vinin në pikëpyetje peshën e kësaj ngjarjeje.

Në mbrëmjen e 22 korrikut, “Manifesta 14” ishte hapur me pjesëmarrjen edhe të zyrtarëve më të lartë të shtetit, kryeministrit Albin Kurti e presidentes Vjosa Osmani, që në fjalimet e tyre kryefjalë patën shkëlqimin e artit ku edhe Albanian Post kishte realizuar një story me këtë rast.

E për mbajtjen e “Manifestës” në Prishtinë kishte shkruar edhe e përditshmja amerikane “New York Times”.

Grand Hotel.

“Për një vend po aq të ri sa Kosova, e cila arriti pavarësinë në vitin 2008, ardhja e Manifesta këtë verë ishte një grusht shteti, duke sjellë qindra kuratorë, tregtarë dhe kritikë në Prishtinë dhe duke i dhënë qytetit një moment të rrallë të vëmendjes së botës së artit ndërkombëtar”.

“Hera e fundit që ishte shfaqur interes ishte në fund të viteve 1990, pas një lufte brutale në të cilën shqiptarët etnikë luftuan kundër forcave serbe që kishin kontrolluar Kosovën që nga shpërbërja e Jugosllavisë”, ka shkruar NYT.

“Manifesta” kishte filluar në fillim të viteve ‘90 si përgjigje ndaj ndryshimeve politike, ekonomike dhe sociale pas përfundimit të Luftës së Ftohtë dhe, nga ajo kohë, “Manifesta” është shndërruar në një platformë mobile, që fokusohet në dialogun midis artit dhe shoqërisë në Evropë.

Manifesta.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore