Sport

Manchester United shkatërron Nottingham Forest-in në ndeshjen e parë të gjysmëfinaleve në EFL CUP


Ndeshja e parë e gjysmëfinales së EFL CUP mes Nottingham Forest dhe Manchester United përfundoi me fitoren e këtyre të fundit me rezultat 0:3.

Dueli ishte plotësisht i dominuar nga djajtë e kuq, të cilët patën mundësi të shumta shënimi.

Pas kësaj fitoreje, Manchester United do të përballen edhe njëherë me Nottingham Forest, por djajtë e kuq janë me një këmbë në finale të EFL CUP.

Goli i parë i ndeshjes erdhi në minutën e gjashtë, të cilin e shënoi Marcus Rashford pas një depërtimi brilant në mbrojtjen e Nottingham Forest.

Në minutën e 23-të, Surridge barazoi rezultatin për Nottingham-in, por goli u anulua nga VAR për pozicion jashtë loje.

Pak para përfundimit të pjesës së parë, sulmuesi i sapoardhur në Manchester, Weghorst shënoi golin e parë për klubin, për të dyfishuar epërsinë.

Për rezultatin final, u përkujdes Bruno Fernandes i cili shënoi golin e fundit të ndeshjes në minutën e 89-të.

Manchester United mbylli gjithçka në pjesën e parë, dhe siguroi fitoren, por tani duhet të jenë të përgatitur për ndeshjen kthyese.

/Albanianpost.com


Lajmet kryesore