Manchester United është duke synuar transferimin e mbrojtësit të Real Madrid-it, David Alaba.
Kapiteni i kombëtares së Austrisë është emri që tekniku holandez, Erik ten Hag, e kërkon për prapavijën e United, në mënyrë që të rrisë konkurrencën për Lisandro Martinez dhe Raphael Varane.
Pavarësisht startit të mirë të aventurës në Madrid, në sezonin e fundit Alaba nuk ishte parësor në planet e Carlo Ancelotti-t, pasi nga 39 ndeshje që luajti në total, vetëm në 21 prej tyre u aktivizua si titullar.
Mediat spanjolle e krahasojnë rastin e Alaba-s me të Casemiro-s në verën e kaluar, ku transferimi erdhi nga asgjëja.
Zërat që e lidhin Alaba-n me një kalim tek United po përforcohen në orët e fundit, me mbrojtësin austriak që është i gatshëm për të dëgjuar propozimin e “Djajve të Kuq”.
Kujtojmë që Alaba iu bashkua Real-it në verën e vitit 2021 si transferim me parametra zero nga Bayern Munich.
31-vjeçari ka luajtur në total 85 ndeshje me fanellën e klubit mbretëror, prej të cilave ka shënuar pesë gola dhe ka dhuruar shtatë asistime.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Edhe në mars Shqipëria me rekord trafiku pasagjerësh nga Rinasi
-
Raportimi i Kathimerini hedh hije dyshimi mbi vizitën e Ramës në Athinë
-
Pentagoni pranon se SHBA-të kanë vrarë gabimisht një civil në sulmin në Siri në vitin 2023, raporton Washington Post
-
Osmani takon Hovenierin: Vazhdimi i masave është i padrejtë
