Manchester United synon transferimin e futbollistit të Bayern Munich-ut, Benjamin Pavard.
27-vjeçarin e pëlqen shumë trajneri i “Djajve të Kuq”, Erik ten Hag, të cilin e cilëson si një përforcim me shumë vlera për skuadrën e tij, edhe prej faktit që mund të luajë në qendër dhe krahun e djathtë të prapavijës.
Kim Min-jae i Napolit, një ndër objektivat e “Djajve të Kuq”, është afër firmës me Bayern Munchen. Ndërkohë që United po kërkon pikërisht në kampin bavarez shërbimet e Pavard.
Lojtari francez, i cili ka edhe një vit kontratë me kampionët e Gjermanisë, numëron 49 ndeshje dhe tre gola me kombëtaren e “Gjelave”.
Megjithatë drejtuesit e Bayern-it kërkojnë hiç më pak 35 milionë euro për ta lënë të lirë.
Pikërisht të njëjtën shumë që investuan në verën e vitit 2019 për ta marrë nga Stuttgart-i. Tani i takon presidencës së United për të vendosur nëse do të paguajnë për kartonin e Pavard.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Dokumentari i Rai-t, Meloni: Rama u linçua vetëm sepse ndihmoi Italinë
-
A mund ta përballojë BE-ja zgjerimin me Ukrainën dhe Ballkanin?
-
Sa herë që jemi pranë marrëveshjes, ka sabotazh nga të dyja palët: Izraeli dhe Hamasi janë fajtorë, thotë Katari
-
Përkrahja e Kurtit s’i ndihmoi VLEN-it t’i fitojë zgjedhjet, Kasami për AP: Bashkëpunimi do të vazhdojë
