Mesfushori austriak, Marsel Sabitzer, pritet të bëhet pjesë e Manchester United.
29-vjeçari aktualisht është pjesë e klubit anglez, por si huazim nga Bayern Munich, nga të cilët erdhi në janarin e këtij viti.
Mirëpo, mediat angleze raportojnë që trajneri i “Djajve të Kuq”, Erik ten Hag është i kënaqur me mesfushorin, andaj i ka urdhëruar drejtuesit e klubit që ta paguajnë çmimin e tij.
Në marrëveshjen e huazimit, është parashikuar edhe blerja e mundshme e mesfushorit, ku çmimi i tij është 25 milionë euro – shumë kjo që duket që do të derdhet në arkat e klubit gjerman në verën e ardhshme.
Gjermanët e kanë bërë të qartë qëndrimin e tyre, që nuk kanë ndërmend të negociojnë dhe nuk e kanë ndërmend ta ulin shifrën për lojtarin, ndaj tani u takon drejtuesve të United të vendosin.
Që kur erdhi në Premier Leauge, Sabitzer ka luajtur në 18 ndeshje në të gjitha garat me fanellën e Manchester United-it, prej të cilave ka shënuar tre gola dhe ka dhuruar një asistim.
Ndërkohë, kujtojmë që Bayern-i e bleu atë në verën e vitit 2021 nga Leipzig për 15 milionë euro.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Meta “harron” Dumanin – akuza dhe paralajmërime për kundërshtarët
-
Realizuam procedurën e paraaplikimit në SEPA, thotë ministri Mete
-
Putini nuk e ka urdhëruar vdekjen e Navalnyt në shkurt, besojnë agjencitë amerikane
-
Kodi Civil si kundërpeshë e Asociacionit? – Premtimi i Kurtit për ta amortizuar presionin ndërkombëtar