Ministri i sportit i Arabisë Saudite thotë se qeveria e tij do të “mbështesë patjetër” ofertat e sektorit privat saudit për Manchester United dhe Liverpool.
Pronarët e të dy klubeve të Premier League janë duke eksploruar shitjet e mundshme.
Newcastle United tashmë ka pronarë nga Arabia Saudite pasi një blerje e mbështetur nga Fondi i Investimeve Publike Saudite përfundoi në tetor 2021.
Princi Abdulaziz bin Turki Al Faisal tha se kishte shumë “interes dhe oreks” për United dhe Liverpool.
Ai tha për “BBC Sport” se “Nga sektori privat, nuk mund të flas në emër të tyre, por ka shumë interes dhe oreks dhe ka shumë pasion për futbollin”.
“Është liga më e shikuar në Arabinë Saudite dhe në rajon dhe kemi shumë tifozë të Premier League”.
“Ne patjetër do ta mbështesim nëse hyn ndonjë sektor privat (saudit), sepse e dimë se kjo do të reflektojë pozitivisht në sportet brenda mbretërisë”.
“Por nëse ka një investitor të gatshëm ta bëjë këtë dhe numrat mblidhen, pse jo?”, theksoi ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
