Manchester United thuhet se mund të ringjallë interesin e tyre për Harry Kane të Bayern Munich-ut dhe Frenkie de Jong të Barcelona-s gjatë afatit kalimtar të kësaj vere.
“Djajtë e Kuq” ishin të lidhur fort me Kane verën e kaluar, por kapiteni i Anglisë përfundimisht bëri kalimin te Bayern nga Tottenham në kërkim të trofeve.
De Jong, ndërkohë, ishte një objektiv kryesor për 20 herë kampionët e Anglisë gjatë verës së vitit 2022, por reprezentuesi holandez tha në disa raste se ai nuk dëshironte të largohej nga Barcelona.
Sipas “FootballTransfers”, Man United mund të rindez interesin e tyre për të dy lojtarët gjatë merkatos së ardhshme të transferimeve, me kusht që të jenë në gjendje të sigurojnë pjesëmarrjen në Champions League për sezonin e ardhshëm.
Raporti pretendon se nëse Kane shpreh dëshirën për t’u kthyer në Angli pas një sezoni në Gjermani, atëherë Man United do të jetë i vendosur në garë për të, pasi klubi kërkon të sjellë konkurrencë dhe mbështetje për Rasmus Hojlund për sezonin 2024-25.
Chelsea gjithashtu besohet se po monitoron nga afër situatën e Kane te Bayern, me skuadrën që po përballet me përfundimin e sezonit 2023-24 pa një trofe.
Gjigantët e Mynihut janë aktualisht në vendin e dytë në tabelën e Bundesliga-s, tetë pikë më pak se lideri Bayer Leverkusen, ndërsa pësuan një humbje 1-0 nga Lazio në ndeshjen e parë të fazes së 1/16 të Champions League.
Kane u largua nga Spurs në kërkim të trofeve dhe nëse ato nuk arrihen te Bayern këtë sezon, anglezi dyshohet se mund të vendosë të bëjë rikthimin në Premier League.
De Jong ka qenë sërish një lojtar i rëndësishëm për skuadrën katalanase këtë sezon, duke bërë 24 paraqitje në të gjitha garat, por së shpejti do të hyjë në dy vitet e fundit të kontratës së tij.
Man United thuhet se po planifikon të ringjallë interesin e tyre për mesfushorin, por do të duhet të inkurajohet nga lojtari se ai është i hapur për një ndryshim ambienti.
Holandezi ende mendohet të jetë objektivi kryesor i mesfushës së trajnerit të Man United, Erik ten Hag.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
