E shtuna në Premier League sjell ndeshje nga ora 13:30 deri në 18:30.
Dueli i parë, i cili do fillojë në ora 13:30 është derbi mes Manchester City-t dhe Chelsea-t.
Chelsea-t do kërkojë fitoren medoemos, për t’iu afruar “qytetarëve”, të cilët ndodhen në vendin e parë.
Me një fitore eventuale të City-t, ata mund ta kenë siguruar titullin e Premier League-s.
Manchester City po kalon një formë mjaft të mirë, të cilët kanë nëntë fitore e një humbjë në 10 ndeshjet e tyre të fundit.
Ndërsa në anën tjetër, Chelsea kanë tre fitore e dy barazime në pesë ndeshjet e tyre të fundit.
Momentalisht, Manchester City radhiten në pozitën e parë me 53 pikë, ndërsa Chelsea janë në vendin e dytë me 43 pikë.
Pas përfundimit të ndeshjes mes City-t dhe Chelsea-t do të luhen edhe tre ndeshje të tjera, pasi dueli Leicester – Burnley u anulua për shkaqe të COVID-19.
Wolves do përballen me Southampton-in e Brojës, ku këta të fundit do kërkojnë fitoren me sulmuesin shqiptar në krye.
Norwich do përballen me Everton-in, ku këta të parët do kenë në krye Milot Rashicën, i cili është i etur për gola, pasi shënoi për herë të parë me Norwich-in në duelin e fundit të FA Cup.
Po ashtu, në ora 16:00 do të luhet edhe ndeshja mes Newcastle United dhe Watford.
Dueli përmbyllës i së shtunës në Premier League do jetë mes Aston Villa-s dhe Manchester United.
Aston Villa kërkon të hakmerret ndaj United, pasi këta të fundit i eliminuan nga FA Cup.
Villa spo kalon një formë shumë të mirë, të cilët kanë një fitore e katër humbje në pesë ndeshjet e tyre të fundit.
Në anën tjetër, as Manchester United nuk janë në formën e tyre më të mirë, të cilët kanë tre fitore, një barazim e një humbje në pesë ndeshjet e tyre të fundit.
Deri më tani, Manchester United radhiten në pozitën e shtatë me 31 pikë, ndërsa Aston Villa janë në vendin e14-të me 22 pikë.
/Albanianpost.com
