Po kërkoni një arsye për të vizituar Malin e Zi? Mund të jetë një nga kombet më të vogla të Evropës, por kjo mrekulli e vogël ballkanike mbart një grumbull të tërë mirësie në kufijtë e saj.
Imagjinoni qytete dhe qyteza të vjetra sa Greqia, plazhet e qeta të Kroacisë dhe majat vigane me borë e të mbuluara me akull të Zvicrës – po t’i bëni bashkë dhe t’i shtrydhni ato në klimën e harlisur mesdhetare do të fitoni një emër të vetëm – Mali i Zi.
Natyra e jashtëzakonshme, qytetet e vjetra tërheqëse dhe disa nga ushqimet më të mira në Mesdhe mund të gjenden pikërisht në këtë vend.
Adriatiku i mahnitshëm dhe çmimet e lira
Vija bregdetare e Kroacisë nuk është më parajsa e pazbuluar që ishte dikur, por magjia e bregdetit të Malit të Zi vazhdon të kulmojë akoma.
Çdo kthesë sjell një tjetër fshat të çuditshëm, secili me hijeshinë e tij të paprekshme dhe bukurinë e pamohueshme do të ju bëjnë shpejt për vete.
Nuk mund të mohohet se Kroacia është një nga vendet më mahnitëse në botë, por kur behet fjalë për çmime, Mali i Zi mbretëron suprem.
Ndryshe nga Evropa Perëndimore, çmimi i një vakti të plotë në këto pjesë mund të shkojë deri në 10 funte.
Ndërsa hotelet mund të jenë paksa të kushtueshme, zgjidhni një shtëpi private ose vilë përrallore të pavarur dhe do të shihni se sa ekonomik është ky vend.
Eksplorimi i Maleve
Mali i Zi nuk është ideal vetëm për ditët me diell duke marrë ngjyrë në plazh, sepse ky shtet ballkanik ofron disa nga shëtitjet më të mira në të gjithë Evropën.
Emri i vendit është paksa i çuditshëm (Crna Gora do të thotë “Mali i Zi”), por shteti ka male të pabesueshme dhe lehtë të arritshme që gjenden kudo.
Nëse jeni pinjoll adhurues të Nënës Natyrë atëherë ky vend ëndërrimtar është i përsosur për ju.
Shtëpia e pyjeve të harlisur, liqeneve të pacenuar, grykave gjithëpërfshirëse dhe ujëvarave unike – Durmitori, është një opsion i artë.
I formuar nga akullnajat mijëra vjet më parë, parku kombëtar i mbrojtur fsheh një nga liqenet më spektakolare të vendit – Crno Jezero (Liqeni i Zi)
Prokletije, Komovi dhe Rumija janë disa nga opsionet tjera më të mira për tu vizituar.
Kuzhina e larmishme
Ushqimi në Ballkan është tepër i shijshëm, por rripi transportues i mishit të pjekur në skarë mund të bëhet paksa i tepërt pas një kohe.
Të njëjtat pjata me yndyrë mund të gjenden edhe në Mal të Zi.
Traditat e peshkimit të shtetit nënkuptojnë se mund të gjenden shumë pjata fantastike me ushqim deti, së bashku me disa ushqime të bëra në shtëpi me shije unike.
Ashtu si të gjitha vendet përgjatë bregut të detit Adriatik, kuzhina në Mal të Zi është tipike evropiane jugore.
Çfarë të provoni? Sallatë oktapodi dhe supë peshkut.
Një nga perlat e vërteta të fshehura të Evropës
Kërkojini kujtdo në Ballkan të emërojë vendin më të bukur në rajon dhe ata me shumë gjasa do të paraqesin shtetin e tyre të origjinës si numër një.
Pyetini ata për përgjigjen se kush pas vendit të tyre radhitet si më i bukuri dhe do të dëgjoni teksa thonë “Mali i Zi”.
Bukuria natyrore e Malit të Zi është e mirë dhe vërtet e pashembullt, malet e gjelbëruara mbretërojnë mrekullueshëm mbi kanione dramatike dhe lumenj mashtrues me diçka vërtet të bukur rreth çdo cepi, dhe jo – kjo nuk është një ekzagjerim.
Kultura
Në Mal të Zi, gjithçka ka të bëjë me poezinë, muzikën dhe kërcimin.
Që nga Paleoliti, përmes Rilindjes e deri në ditët e sotme, banorët e Malit të Zi e kanë pasuruar qytetin me aq shumë kulturë sa do të mbeteni të habitur.
Ndërsa Kotorri zë vendin e parë në listën e trashëgimisë kulturore të UNESCO-s, kjo nuk do të thotë se nuk mund të gjesh gjëra interesante që ndodhin diku tjetër.
Nëse jeni adhurues të jetës së natës, udhëtoni drejt Budvas, një qytet i lavdishëm mesjetar i rrethuar me mure, i njohur për jetën e tij të mrekullueshme të natës dhe skenën e artit.
Historia rebele
Perandoria Osmane u përpoq në të gjithë rajonin e Ballkanit për shumë shekuj, por Mali i Zi u tregua më i ashpër për t’u pushtuar se Serbia, Bosnja dhe pjesa tjetër.
Peizazhi i padepërtueshëm malor kishte të bënte me të, dhe fiset lokale kishin një plan beteje veçanërisht efikas – t’i joshnin turqit më thellë në male, pastaj t’i linin të vdisnin nga uria.
Mali i Zi është jashtëzakonisht krenar për historinë e tij rebele dhe monumentet e kësaj autonomie mund të gjenden në të gjithë vendin.
Duke lënë mënjanë bukurinë që të lë pa frymë, Mali i Zi ka disa nga vendet historike më magjepsëse në Evropë që datojnë që nga shekulli i 12-të.
Më emblema është “Zoja e Shkëmbinjve”, një kishë e lezetshme katolike romake që ndodhet në majë të një kodre me pamje nga gjiri piktoresk i Kotorrit.
Realizoni ëndrrat tuaja për jaht
Jeta e një jahti mund të jetë “e paarritshme” për shumicën prej nesh, por Mali i Zi ofron pak luks me çmime shumë të këndshme.
Për Malin e Zi është thënë se “e gjithë historia e saj është shkruar në det”, kështu që ka mënyrë më të mirë për të shijuar vendin sesa të marrësh me qira një varkë dhe të nisesh të lundrosh në këta ujëra?
Kjo është gjithashtu mënyra më e mirë për të eksploruar disa nga plazhet e fshehura të shtetit dhe limanet sekrete të tij.
Kanioni i lumit Tara
Një nga kanionet më të thella të Evropës, kanioni i lumit Tara ka një rënie mbresëlënëse prej 1 mijë e 300 metrash.
Po, duket mjaft ëndërrimtare nga lart, por do të gjeni pamjet më të mira që dridhen përgjatë ujit, shfrytëzojeni rastin të shkrepni fotografi në natyrën unike të Taras.
E nëse nuk jeni adhurues i ujit? Ecni në majën e malit Çurevac, për një panoramë që do të ju mbush jetë.
/Albanianpost.com
