Makinat Tesla do të lidhen me satelitët e rinj të transmetimit celular të Starlink

Elon Musk ka zbuluar se satelitët e ardhshëm të internetit të gjeneratës së dytë Starlink përfshijnë antena celulare për lidhje me telefonat nga T-Mobile në SHBA dhe operatorë të tjerë.

Sipas tij, lidhjet do të funksionojnë edhe me makinat elektrike të Tesla-s, të cilat aktualisht lidhen me rrjetin LTE të AT&T.

Ai nuk hyri në detaje se si do të funksionojë e gjitha kjo, por ka thënë se  mbulimi nga sateliti në celular nga Starlink do të jetë në gjendje të ofrojë një lidhje 2–4 Mbps, e cila ndahet nga të gjithë në zonën e mbulimit të satelitit.

Kjo ka të ngjarë të mos jetë e mjaftueshme për disa veçori të lidhjes Premium, si transmetimi i drejtpërdrejtë i videos nga kamerat e makinës.

Megjithatë, një lidhje që funksionon “kudo ku ka një pamje të qiellit” është më mirë se pa lidhje fare.

Me kalimin e viteve, Tesla ka pakësuar paketat e lidhjes që vijnë standarde me automjetet e saj elektrike.

Makinat e blera para fundit të qershorit 2018 përfshijnë lidhje Premium pa pagesë shtesë, ndërsa makinat e blera përpara datës 20 korrik 2022, përfshijnë paketën standarde të lidhjes me harta në makinë dhe navigim.

Këto lidhje janë të disponueshme gjatë gjithë jetëgjatësisë së automjetit, “me përjashtim të rinovimeve ose përmirësimeve të kërkuara për çdo veçori ose shërbim të furnizuar nga jashtë për automjetin”.

Marrë nga “The Verge”, përshtatur për “Albanian Post”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.