Ndeshjet e së mërkures në Ligën e Kampionëve ishin interesante, surprizuese dhe me shumë gola.
Real Madrid-i fitoi përballë Leipzig-ut me rezultat 2:0, ku fituesi nuk dihej deri në momentet e fundit.
Goli i parë erdhi nga Fede Valverde në minutën e 80-të, ndërsa pak para përfundimit të ndeshjes, në minutën e 91-të, Marco Asensio vulosi fitoren e madrilenëve me 2:0.
Në anën tjetër, PSG kanë fituar ndeshjen kundër Maccabi Haifa-s, me rezultat 1:3.
Maccabi Haifa shënuan të parët në këtë ndeshje, në minutën e 24-të, me anë të Chery-t.
Ndërsa në minutën e 37-të, ishte Lionel Messi, i cili shënoi golin e barazimit, dhe kontribuoi edhe në golin e epërsisë të Mbappe-s.
Por, në minutën e 68-të, Kylian Mbappe shënoi për epërsinë, pas një asistimi maestral nga Lionel Messi.
Në minutën e 88-të, Neymar shënoi për rezultatin final prej 1:3.
Vështirësitë e Chelsea-t nuk po ndalen, pasi barazuan kundër Salzburg-ut me rezultat 1:1.
Të parët shënuan blutë e Londrës me anë të Sterling, por në minutën e 75-të, Okafor barazoi rezultatin.
Më tej, Juventus ka surprizuar, ku ka humbur me rezultat 1:2 përballë Benfica-s.
Italianët ishin të parët që shënuan me anë të Milik, por në minutën e 43-të, Joao Mario barazoi rezultatin për Benfica-n.
Në pjesën e dytë, në minutën e 55-të, Neres shënoi për rezultatin final 1:2.
Ndeshja mes Manchester City-t dhe Borussia Dortmund përfundoi me fitoren e vendasve me rezultat 2:1.
Në minutën e 58-të, Jude Bellingham gjeti golin pas një asistimi të Reus.
Në minutën e 80-të, ishte John Stones i cili shënoi golin e barazimit nga një distancë e largët.
Pas vetëm tre minutave, ish lojtari i Dortmund, Erling Haaland shënoi për golin e epërsisë për të shuar shpresat e gjermanëve.
Ndeshjet e tjera në Ligën e Kampionëve përfunduan kështu:
Rangers 0:3 Napoli
FC Copenhagen 0:0 Sevilla
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Strategjitë dhe metodat e shpërndarjes së lajmeve të rreme për keqinformim – Si i përdor Kremlini?
-
Ndërtimi i TEC-it në Roskovec, Balla: Investim strategjik, zero risk për mjedisin
-
Asunta, historia e vërtetë e vajzës 12-vjeçare të vrarë nga prindërit e saj: Burri i maskuar, qetësuesit, pornografia aziatike dhe varri pa emër
-
Arrestohet një serb në Bërnjak, dyshohet për krime lufte
