Macron kërkon nga Kosova dhe Serbia që t’i normalizojnë marrëdhëniet

Presidenti i Francës, Emmanuel Macron, ka deklaruar të premten se normalizimi i raporteve ndërmjet Kosovës dhe Serbisë është i nevojshëm.

Këto komente, Macron i ka bërë në një konferencë të përbashkët për media me Kryeministrin e Shqipërisë, Edi Rama, i cili është duke qëndruar për një vizitë zyrtare në Paris.

“Dua të përshëndes zërin e fortë në rajon të Shqipërisë në skenën ndërkombëtare. Në të gjitha çështjet rajonale është i nevojshme normalizim i marrëdhënieve mes Serbisë dhe Kosovës”, ka potencuar Macron.

Pos kësaj, ai ka nënvizuar vendosmërinë e shtetit që ai drejton për Ballkanin Perëndimor.

“Këtu bëhet fjalë për bashkimin e Evropës për ta bërë më të fortë në sfondin e agresionit rus në Ukrainë. Shqipëria ka vazhduar rrugën evropiane me vendosmëri, kini besim te mbështetja jonë. Jemi të impresionuar nga tërësia e reformave dhe kapacitetet për të avancuar”, shtoi.

Sa i përket Shqipërisë, Macron ka shprehur vlerësime “maksimale” në rrugëtimin e saj drejt integrimit, madje ai tha se “e admiron avancimin e bërë”.

“Sa e admiroj rrugën që ka bërë vendi juaj, për miqësinë, për ndjenjat shumë të thella evropiane. Do thoja ndoshta edhe më shumë se evropiane. Ne i kushtojmë rendësi kësaj, jeni ju, jemi ne, marr janë të veçanta dhe kjo falë punës së përbashkët”, pohoi.

Nga ana tjetër, kryeministri Rama ka falënderuar Macron-in për gjithë angazhimin e tij në avancimin e integrimit evropian të Ballkanit Perëndimor.

Kreu i ekzekutivit shqiptar ka vlerësuar rolin e presidentit francez, derisa ka theksuar edhe ngritjen e raporteve mes Shqipërisë dhe Francës “në një nivel tjetër”.

“Tani kemi një horizont të ri të punës së përbashkët, ku ka nisur investime për njohjen dhe investimin francez për parqet fotovoltaike të rajonit”, potencoi Rama.

Rama falënderon Macron për shtytjen e afrimit të Ballkanit me BE-në

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.