Lumë kritikash ndaj patinatores Zhu Yi në debutimin olimpik për Kinën

Patinatorja e lindur në SHBA, Zhu Yi, është përballur me një lumë kritikash nga mediat kineze, pas “performancës së dështuar” në debutimin e saj olimpik për Kinën.

Ajo dështoi, duke e nxjerrë ekipin e Kinës jashtë gare.

Kanë qenë të shumta dyshimet e ngritura mbi zgjedhjen e 19-vjeçares: a ishte në bazë të meritokracisë?

Sipas disa “zërave”, zonja Zhu ishte favorizuar sepse babai i saj është një shkencëtar me emër.

Më herët, Zhu ka hequr dorë nga shtetësia e saj amerikane për t’u bashkuar me ekipin e Kinës në vitin 2018.

Ajo ishte shfaqur e tensionuar gjatë performancës së saj në akull, edhe para se të binte në një kërcim. Pas ditës së dytë, ajo është shprehur se ndihej e mërzitur dhe e turpëruar.

“Mendoj se ndjeva shumë presion, sepse e di që të gjithë në Kinë ishin mjaft të befasuar me përzgjedhjen për beqare për femra. Unë thjesht doja t’u tregoja atyre se çfarë isha në gjendje të bëja, por për fat të keq nuk e bëra”, ka thënë ajo.

Shokët e saj e mirëpritën ngrohtësisht në fushë.

Nga ana tjetër, reagimet në internet ishte kryesisht negative.

“Ajo nuk ka forcë dhe duket sikur i mungon pasioni dhe entuziazëmi në skenë”, shkruan një përdorues i rrjeteve sociale.

Atletët e ekipit të Kinës shpesh përballen me një presion të jashtëzakonshëm nga publiku kinez.

Ata nuk kanë harruar të bëjnë krahasime midis Zhu-së me Eileen Gu, një tjetër atlete me origjinë amerikane, të cilën e kanë quajtur “Princesha e Borës” së Kinës.

Marrë nga BBC, përshtatur për Albanian Post!

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.