Luka Modric ka rinovuar kontratën me Real Madridin deri në qershor të vitit 2022.
Mesfushori kroat, kontrata e të cilit do i skadonte me 30 qershor, ka firmosur marrëveshjen që e mbanë të lidhur me klubin mbretëror edhe për një sezon tjetër.
35-vjeçari ka qenë një ndër pikat kryesore të formacionit të Zidane gjatë këtyre viteveve te Reali.
Fituesi i topit të artë, ka pranuar uljen e pagës, qe klubi i Realit i kërkoi për të lehtësuar efektet e pandemisë.
Kujtojmë që Modric është pjesë e Real Madridit që nga viti 2012, kur u transferua nga Tottenham Hotspur për shifrën e 40 milion euro.
Me madrilenët ai ka luajtur 391 ndeshje në të gjitha garat, duke shënuar 28 gola.
Ndërsa me Realin ai ka fituar katër herë Ligën e Kampionëve, dy herë La Ligën, një herë Kupën e Spanjës, tre herë Superkupën e Spanjës, tre herë Superkupën e Evropës dhe tre herë Kupën e Botës për klube.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
