“Gjë e mirë që Shqipëria po bashkëpunon me Europol-in për të luftuar krimin kibernetik”.
Ky ishte reagimi i Delegacionit të Bashkimit Evropian në Shqipëri, të mërkurën e 3 nëntorit për sa i përket bashkëpunimit gjyqësor midis Shqipërisë dhe BE-së, e cila është rritur me 40% në pesë vitet e fundit.
Më tej, u theksua se, “qytetarët shqiptarë mund të bien pre e grupeve të krimit të organizuar që po përshtatin vazhdimisht metodat e tyre të mashtrimit në internet”.
Nga kjo e fundit, Delegacioni i BE-së në vendin tonë shkruan me bindje se, “shkëmbimi i informacionit me agjencitë evropiane dhe informimi për rreziqet e mundshme, mund t’i mbajë ata të sigurt”.
Përkatësisht 46 të dyshuar u arrestuan muajin e kaluar, si pjesë e Aksionit të Tregtisë elektronike 2021, të mbështetur nga Europol dhe Këshilli i Rrezikut Tregtar.
Në përfundim u dha mesazhi se nga kjo ditë ka nisur fushata sensibilizuese “#SellSafe” për të luftuar krimin kibernetik.
Great to see #Albania🇦🇱joining efforts with @Europol to fight cybercrime. Albanian citizens can fall prey to organised crime groups that are continuously adapting their online fraud methods. Exchanging information with🇪🇺agencies &informing on potential risks, can keep them #safe! https://t.co/AdbNPCOj8h
— EU in Albania (@EUinAlbania) November 3, 2021
Përkatësisht, bashkëpunimi do të thellohet edhe më tej me hapjen e zyrës së Prokurorit Ndërlidhës të Prokurorisë së Përgjithshme në Eurojust, apo me ndryshimin e Marrëveshjes së Bashkëpunimit strategjik mes Ministrisë së Brendshme dhe Europol-it.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com