![](https://albanianpost.com/wp-content/uploads/2023/07/Kalvin-Phillips-Manchester-City.jpeg)
Liverpool-i është duke synuar transferimin e mesfushorit të Manchester City-t, Kalvin Philips.
27-vjeçari anglez shihet si zëvendësues i brazilianit, Fabinho, i cili me shumë mundësi do të transferohet në Arabinë Saudite gjatë ditëve të ardhshme.
Mediat angleze raportojnë që trajneri i Liverpool-it, Jurgen Kloop, e pëlqen mesfushorin e City-t dhe e sheh si një zëvendësues ideal të Fabinho-s.
Philips nuk duket të jetë në planet e trajnerit të City-t, Pep Guardiola, andaj te Liverpool-i synojnë që ta transferojnë futbollistin me formulën e huazimit me të drejtë blerje.
27-vjeçari është aktivizuar shumë pak me fituesit e “tripletës” në sezonin e fundit, i kushtëzuar edhe nga një dëmtim në shpatull, që e bëri të humbasë të gjithë pjesën e parë të kampionatit.
Megjithatë, kur u kthye ai përsëri nuk luajti një rol kyç në mesfushën e “qytetarëve”, duke u inkuadruar vetëm në dy raste si titullar në Premier League.
Kujtojmë që Philips u transferua në Manchester City gjatë verës së kaluar nga Leeds United për shumën e 49 milionë eurove.
Ai deri më tani ka luajtur vetëm 21 ndeshje në të gjitha garat me kampionët e Premier Leauge, ku nuk la asnjë gjurmë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ndryshimet në Kodin Zgjedhor, OSBE: Shpresojmë që të respektohen kuotat gjinore
-
Gjiknuri për ndryshimet në Kodin Zgjedhor: Në 5 qarqe, votim dhe numërim elektronik
-
Obama mbështet hapur Harris: Do të bëhet një presidente fantastike e SHBA-ve
-
Komplikimet politike pas zgjedhjeve në Luginë dhe përfshirja e Kurtit për koalicion “shqiptar”