Ndeshjet e së shtunës në Premier League ishin interesante dhe dramatike.
Liverpool – Norwich
Ndeshja mes Liverpool dhe Norwich përfundoi me fitoren e këtyre të parëve me rezultat 3:1.
Golin e parë e shënuan Norwich City në minutën e 48-të me anë të sulmuesit kosovar, Milot Rashica.
Norwich nuk u mbajtën shumë gjatë, para se Mance të barazonte rezultatin në minutën e 64-të.
Tre minuta pas golit të Mane, Salah i dha epërsinë Liverpool-it pas asistimit të portierit Alisson Becker.
Golin e tretë të Liverpool-it, dhe të fundit të ndeshjes, e shënoi transferimi i ri Luis Diaz.
Liverpool radhiten në pozitën e dytë me 57 pikë, ndërsa Norwich janë në vendin e fundit me 17 pikë.
Arsenal – Brentford
Dueli mes Arsenal dhe Brentford përfundoi me fitoren e këtyre të parëve me rezultat 2:1.
Ndeshja ishte plotësisht e dominuar nga topçinjtë, të cilët pavarësisht rasteve të shumta, arritën të shënojnë vetëm dy gola.
Goli i parë erdhi në pjesën e dytë, në minutën e 48-të me anë të Emile Smimth Rowe.
Në minutën e 79-të, pas shumë tentimeve për gol, Arsenal dyfishuan epërsinë me Bukayo Saka-n.
Disa sekonda para përfundimit të ndeshjes, Brentford shënuan për rezultatin përfundimtar me anë të Christian Norgaard.
Me këtë fitore Arsenal radhiten në pozitën e gjashtë me 42 pikë dhe me dy ndeshje më pak se pozita e katërt, ku radhiten Manchester United.
Crystal Palace – Chelsea
Ndeshja mes Crystal Palace dhe Chelsea-t ka përfunduar me fitoren e këtyre të fundit me reuzltat 0:1.
Ndeshja ishte e dominuar nga londinezët, por ata kishin vështirësi të shënonin, deri në minutat e fundit të ndeshjes.
Chelsea shënuan në pjesën e dytë, në minutën e 75-të me anë të Hakim Ziyech, por goli u anulua pasi marokeni ishte në pozitë jashtë loje.
Pak para përfundimit të ndeshjes, ishte po ai i cili shënoi golin e fitores për Chelsea-n në minutën e 89-të.
Chelsea radhiten në pozitën e tretë me 50 pikë, ndërsa Crystal Palace janë në vendin e 13-të me 26 pikë.
Ndërsa ndeshjet e tjera të luajtura në Premier League kanë përfunduar kështu:
West Ham – Newcastle 1:1
Aston Villa – Watford 0:1
Brighton – Burnley 0:3
Southampton – Everton 2:0
Kujtojmë se në ora 18:30 fillon edhe derbi mes Manchester City-t dhe Tottenham.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”