Lista Serbe përmes një komunikate për media ka mirëpritur arritjen e marrëveshjes ndërmjet Kosovës dhe Serbisë për çështjen e targave.
Sipas tyre me marrëveshjen e arritur të mërkurën në Bruksel targat ilegale me akronime si KM, PZ, PR… mbeten në përdorim.
“Askush nuk do t’i heqë dhe askush nuk do shqiptoj gjoba qytetarëve serbë që posedojnë këto targa”, thuhet në reagimin e tyre.
Të gjithë pronarët e automjeteve me targa ilegale, sipas Listës Serbe, do të mund të lëvizin lirshëm dhe në rast të skadimit të regjistrimit ata do të mund të zgjasin vlefshmërinë e këtyre targave pa ndërprerje.
Kosova dhe Serbia, përkatësisht kryenegociatorët Besnik Bislimi dhe Petar Petkovic kanë nënshkruar marrëveshje në Bruksel për de-eskalim ku Kosova heqë dorë nga zbatimi i masave për veturat me targa ilegale, derisa Serbia zotohet se nuk do të prodhojë më të reja.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
