Koha e Lionel Messi-t te Inter Miami po mbaron, me klubin e tij të ardhshëm që thuhet se është vendosur tashmë.

Ndikimi i Messi-t ka qenë i pamohueshëm, por Inter Miami ka të ngjarë të mos e ketë për shumë gjatë tetë herë fituesin e Topit të Artë.

37-vjeçari thuhet se ka vendosur që lëvizja e tij e radhës do të jetë kthimi në atdheun e tij kur kontrata e tij me Inter Miami të skadojë në dhjetor 2025.

Sipas “El Nacional”, Messi është i vendosur për një rikthim emocional aty ku filloi gjithçka, te skuadra e Newell’s Old Boys.

Fituesi i Kupës së Botës u largua nga Newell’s Old Boys në moshën 13-vjeçare për t’u bashkuar me Barcelona-n dhe e konsideron rikthimin në klub si mënyrën më të përshtatshme për të mbyllur karrierën e tij të pabesueshme.

Messi ka folur më parë për dëshirën e tij për t’u rikthyer te Newell’s Old Boys dhe pranon se e ka klubin në zemrën e tij.

Në një intervistë me “El Planeta Urbano” në vitin 2016, ai tha: “Nëse kthehem nesër në Argjentinë, klubi për të cilin do të luaja do të ishte Newell’s”.

Ish-ylli i Barcelona-s u rikthye nga dëmtimi fundjavën e kaluar në përplasjen e Inter Miami me Philadelphia Union dhe menjëherë la gjurmë.

Një dëmtim i pësuar në Kupën e Amerikës të kësaj vere e kishte lënë jashtë fushës për dy muaj, por nuk kishte shenja ngadalësimi, pasi ai shënoi dy herë brenda 30 minutave, pasi skuadra e tij rezultoi fituese 3-1.

Kjo bëri që rezultati i tij për sezonin të jetë mbresëlënës. 14 gola dhe 14 asistime pavarësisht se humbi pjesën më të madhe për shkak të dëmtimit.

Fitorja e çoi Inter Miami në 64 pikë dhe tetë pikë më shumë se FC Cincinnati i vendit të dytë.