Janë zhvilluar pesë takime të xhiros së pestë në kampionatin francez të futbollit, Ligue 1.
Futbollisti i Kosovës, Arbër Zeneli, e nisi titullar takimin që ekipi i tij, Reims, e fitoi me rezultat 2:4 në udhëtim te Angers.
Zeneli la gjurmë në këtë takim, duke dhuruar asistim në golin e parë të Reims, të cilin e shënoi Marshall Munetsi.
⏱ 23’ [0-1]
⚽️ BUUUUT ! Cette fois … c'est la bonne ! Arber Zeneli récupère un excellent ballon au centre de la pelouse et sert parfaitement Marshall Munetsi. Le numéro 15 du SDR ajuste Bernardoni du plat du pied ! 💪#SCOSDR #GoSDR
— Stade de Reims (@StadeDeReims) August 31, 2022
Përveç asistimit, sulmuesi i dardanëve zhvilloi një lojë të mirë, derisa u zëvendësua në minutën e 64-të.
Kjo ishte fitorja e parë e Reims në pesë ndeshjet e para të kampionatit, derisa ata numërojnë edhe dy barazime.
Ndërkohë, në ndeshjen tjetër, Lyon-i u rikthye te fitorja, duke e mposhtur në shtëpi Auxerre-n me rezultat 2:1.
Braziliani Tete dhe Karl Toko Ekambi realizuan golat për Lyon-in, ndërsa për Auxerre e ngushtoi rezultatin Mathias Autret.
Kjo ishte fitorja e tretë e Lyon-it, derisa numëron edhe një barazim me Reims.
Befasia e kësaj mbrëmje në futbollin francez, ishte humbja e Monaco-s nga Troyes me rezultat 2:4.
Monaco e nisi mjaft mirë ndeshjen, duke kaluar në epërsi në minutën e 10-të me anë të Guillermo Maripan.
Por, ky i fundit la ekipin e tij me një lojtar më pak në fushë, duke u ndëshkuar me dy kartonë të verdhë brenda pjesës së parë.
Troyes më pas shënoi dy gola gjatë pjesës së parë dhe po aq në pjesën e dytë, derisa Monaco arriti të shënonte edhe një herë me anë të Youssouf Fofana-s.
Në dy ndeshjet tjera, Montpellier regjistroi fitoren e radhës me rezultat 2:0 ndaj Ajaccio-s dhe Strasbourg barazoi me shifrat 1:1 ndaj Nantes.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”