Për promovimin e leximit, në tetorin e librit, Shtëpia Botuese ‘Dituria’, në bashkëpunim me Shoqatën e Miqësisë Shqipëri-Kinë dhe Qendrën Kombëtare të Librit dhe Leximit (QKLL), organizoi një takim me Senatin e shkollës 9-vjeçare “Fan Noli” në Tiranë.
Letërsia dhe kultura kineze, botimet në shqip nga kjo letërsi dhe botimet e ardhshme, ishin tema e një bisedë interesante me drejtorin e Diturisë, Petrit Ymeri, përkthyesit e kësaj letërsie, Xhimi Lazri dhe Iljaz Spahiu, dhe nxënësit dhe mësueset e shkollës.
Duke folur për rëndësinë e librit dhe leximit në formimin e të rinjve, Ymeri vuri në dukje se letërsia kineze, e përkthyer dhe e botuar nga Dituria vitet e fundit, është jo vetëm “një letërsi e mrekullueshme, me histori emocionuese dhe optimiste, por shërben edhe si një mënyrë për të njohur një vend të madh si Kina dhe popullin e saj”.
Për letërsinë kineze dhe vlerat e saj, si një urë shkëmbimi kulturor mes dy vendeve, foli edhe drejtorja e Qendrës Kombëtare të Librit dhe Leximit, Alda Bardhyli, e cila u shpeh e lumtur për prezencën e fëmijëve në shtëpinë e librit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Osmani shpall fitoren ndaj Taravarit me mbi 40 mijë vota dallim
-
Edi Rama thërret Grubin në telefon, ai i shpjegon se pa Taravarin në zgjedhje Osmani do ishte në balotazh
-
Iran: Reperi Toomaj i dënuar me vdekje, mori pjesë në protesta
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova
