Gjykata Themelore në Mitrovicë, të martën e 24 majit, ka urdhëruar arrestimin dhe shoqërimin me forcë të ish-shefit të operativës në policinë e Kosovës, Zhelko Bojiç, i cili dyshohet për veprat penale, “Keqpërdorim i pozitës apo autoritetit zyrtar” dhe “pengim i të provuarit apo procedurës zyrtare”.
Është bërë e ditur, se në bazë të aktakuzës e cila është ngritur ndaj të pandehurit më 19 qershor 2020, ndërsa ngjarja kishte ndodhur gjatë vitit 2015 në veri të Mitrovicës, derisa Njësiti anti-drogë po zhvillonte një aksion që synim kishte kapjen e një sasie të madhe drogë nga një automjet Land Rover.
Gjithashtu, dyshohet se me urdhrin e togerit, Zhelko Bojiç, njerëz të caktuar të krimit, kishin arritur ta pengojnë Njësitin anti-drogë, duke pamundësuar kështu aksionin policor.
Ndryshe, Bojiç kishte më shumë se dy vite që kur ka ikur nga Kosova, ndërsa është përfolur që ai është duke u fshehur në Serbi.
Në komunikatën e Departamentit amerikan të Thesarit, ai identifikohet si pjesëmarrës i grupit të krimit të organizuar, grup ky që ishte angazhuar në skema të mëdha të ryshfetit me zyrtarë të sigurisë kosovarë dhe serbë, të cilët lehtësojnë trafikimin e paligjshëm të mallrave, parave, narkotikëve dhe armëve midis Kosovës dhe Serbisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Elshani për garën e kërcimit në Ujman: Për ne është detyrë, dikush mund ta shoh si provokim
-
KFOR: Kemi patrullime të rregullta në kufirin me Serbinë për siguri dhe stabilitet
-
Një alpinist humb jetën në Valbonë pasi bie nga lartësia
-
Kurti ia shpreh mirënjohjen Kouchnerin për kontributin e dhënë në Kosovë
