Sa i përket kombëtares së Brazilit, emri i parë që u dëgjua ishte ai i Carlo Ancelotti. Media ‘UOL’ e lidhi trajnerin e Real Madridit si trajnerin e ardhshëm të Brazilit.
Megjithatë, trajneri italian është i fokusuar vetëm dhe ekskluzivisht te bardhezinjtë dhe nuk mendon për ndonjë skenar tjetër të mundshëm përveç përmbushjes së kontratës.
“Për momentin, unë jam shumë mirë në Madrid, ne kemi shumë objektiva këtë sezon. Do të ketë kohë për të menduar për të ardhmen time. Unë kam një kontratë deri më 30 qershor 2024 dhe, nëse Madridi nuk më përjashton më parë. Unë nuk do të lëviz”, ka shpjeguar Ancelotti, ditë më vonë, në një intervistë për ‘Radio Anch’io Sport’.
Tani Konfederata Braziliane e Futbollit vazhdon kërkimin e saj për një zëvendësues për Tite, i cili nuk është më në detyrë pas eliminimit të Brazilit në çerekfinale të Kupës së Botës kundër Kroacisë, dhe kandidatët e mundshëm vazhdojnë të dalin. Këtë të dielë L’Equipe përmend atë të Zinedine Zidane.
Sipas informacioneve të gazetës franceze, Zidane plotëson të gjitha kërkesat që kërkon CBF për trajnerin e ardhshëm të Brazilit: i huaj, i lirë dhe me një kurrikulë shumë të kompletuar. Megjithatë, ata përmendin se në rastin e Zidane gjithçka do të varet nga vendimi i marrë nga Didier Deschamps nëse ai do të vazhdojë të drejtojë skuadrën franceze apo do të japë dorëheqjen, me ç’rast Zinedine do të ishte kandidati kryesor për të drejtuar ‘Les Bleus’.
Përveç Zidane, ‘L’Equipe’ përmend edhe emra të tjerë të mundshëm për stolin brazilian: Marcelo Gallardo, Thomas Tuchel, Mauricio Pochettino, Roberto Martínez apo Rafa Benitez.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
