Lois Openda është sulmuesi belg që po përfolët shumë në këtë afat kalimtar veror.
Shumë klube të mëdha evropiane ishin vënë pas futbollistit që shkëlqeu në edicionin e kaluar në ligën franceze me skuadrën e Lens, por duket se skuadra e Leipzig-ut tashmë i ka siguruar shërbimet e tij.
Sipas asaj që shkruan gazetari i njohur italian, Fabrizio Romano, Leipzig është afër mbylljes së marrëveshjes me klubin francez për shërbimet e sulmuesit 23-vjeçar.
Romano shkruan se gjermanët kanë bërë ofertë prej 40 milionë eurosh për blerjen e kartonit dhe Openda në ditët në vazhdim do t’i kryejë testet mjekësore me klubin e tij të ardhshëm.
RB Leipzig are set to sign Loïc Openda on permanent transfer, agreement now in place and here we go! ⚪️🔴
Final fee close to €40m, as per Kicker — waiting for the documents to be signed.
Huge signing for Leipzig, Openda will undergo medical tests soon. pic.twitter.com/C1TzUQtwEX
— Fabrizio Romano (@FabrizioRomano) July 12, 2023
Openda në edicionin e kaluar shënoi 21 gola dhe dhuroi katër asistime në 38 ndeshje në Ligue 1 (nuk mungoi në asnjë ndeshje).
Ndërkohë, ai numëron edhe nëntë ndeshje zyrtare me kombëtaren e Belgjikës, prej të cilave shënoi dy gola.
Openda është pjesë e Lens që nga vera e vitit të kaluar, kur u transferua nga skuadra e Club Brugge për shumën e 12 milionë eurove.
Vlen të theksohet se Lens pati një sezon të mrekullueshëm në Francë, duke dalë në vendin e dytë pas kampionëve, PSG-së.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
